ମୁମ୍ବାଇ: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏବେ ଖୁବ୍ ଚର୍ଚ୍ଚାରେ । ନିକଟରେ ସେ ତାଙ୍କ ଫିଲ୍ମ ‘ଗଙ୍ଗୁବାଇ କାଠିଆୱାଡି’ ପାଇଁ ଜାତୀୟ ପୁରସ୍କାର ପାଇଛନ୍ତି । ଆଲିଆ ତାଙ୍କ ସ୍ୱାମୀ ରଣବୀର କପୁରଙ୍କ ସହ ଦିଲ୍ଲୀରେ ଆୟୋଜିତ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ସେ ତାଙ୍କର ବିବାହ ଶାଢି ପିନ୍ଧି ପୁରସ୍କାର ଗ୍ରହଣ କରିଥିବାରୁ ଚର୍ଚ୍ଚାକୁ ଆସିଥିଲେ । ଏବେ ସେ ନବରାତ୍ରର ଶୁଭ ଅବସରରେ ଏକ ନୂତନ କାର କିଣିଛନ୍ତି । ଏହି ବିଳାସପୂର୍ଣ୍ଣ କାରର ଭିଡିଓ ଓ ଫଟୋ ସେ ସୋସିଆଲ ମିଡ଼ିଆରେ ସେୟାର କରିଛନ୍ତି ।
ଗତ ୧୯ ତାରିଖରେ ପୋଷ୍ଟ୍ ହୋଇଥିବା ଏହି ଭିଡିଓରେ ଆଲିଆଙ୍କ ନୂଆ କାର ଦେଖିବାକୁ ମିଳିଛି । ସେ ରେଞ୍ଜ ରୋଭରର ଅଟୋବାୟୋଗ୍ରାଫି ଲଙ୍ଗ ହ୍ୱିଲ୍ ବେସ୍ କିଣିଛନ୍ତି । ରେଞ୍ଜ ରୋଭରର ଏହି ନୂତନ ମଡେଲର ମୂଲ୍ୟ ୩.୮୧ କୋଟି ଟଙ୍କା ବୋଲି କୁହାଯାଉଛି । ଆଲିଆ ତାଙ୍କ କାରକୁ ପୂଜା କରିଥିବା ଭିଡ଼ିଓରେ ନଜର ଆସିଛି । ଆଲିଆ ଭଟ୍ଟ ତାଙ୍କ କ୍ୟାରିୟରର ପ୍ରଥମ ଥର ପାଇଁ ଜାତୀୟ ପୁରସ୍କାର ଜିତିଛନ୍ତି । ଏହି ଅବସରରେ ଆଲିଆ ସିନେ ନିର୍ମାତା ସଞ୍ଜୟ ଲୀଲା ଭଂସାଲୀଙ୍କୁ ଧନ୍ୟବାଦ ଜଣାଇଛନ୍ତି । ଯିଏକି ତାଙ୍କୁ ‘ଗଙ୍ଗୁବାଇ କାଠିଆୱାଡି’ ପାଇଁ ଅଭିନୟ କରିବାର ସୁଯୋଗ ଦେଇଥିଲେ । ଏହି ସିନେମା ପାଇଁ ସେ ଜାତୀୟ ପୁରସ୍କାର ଜିତିବାରେ ସକ୍ଷମ ହୋଇଥିଲେ । ଆପଣ ଜାଣନ୍ତି, ଏଥର ଦୁଇଜଣ ଅଭିନେତ୍ରୀ ଏହି ପୁରସ୍କାର ଜିତିଛନ୍ତି । ପ୍ରଥମ ଜଣକ ଆଲିଆ ଭଟ୍ଟ ଏବଂ ଦ୍ୱିତୀୟ ହେଉଛନ୍ତି କ୍ରିତି ସାନନ୍ ।
Comments are closed.