INS Himgiri, Udaygiri: ଆସନ୍ତାକାଲି ଜଳାବତରଣ କରିବ ଯୁଦ୍ଧଜାହାଜ ଉଦୟଗିରି ଏବଂ ହିମଗିରି; ଜାଣନ୍ତୁ ଉଭୟଙ୍କ ବିଶେଷତ୍ୱ ​…

ନୂଆଦିଲ୍ଲୀ: ଭାରତୀୟ ନୌସେନାର ଦୁଇଟି ଆଧୁନିକ ଫ୍ରଣ୍ଟଲାଇନ୍ ଯୁଦ୍ଧଜାହାଜ, ଉଦୟଗିରି (F35) ଏବଂ ହିମଗିରି (F34) ଅଗଷ୍ଟ ୨୬ ତାରିଖରେ ଭାରତୀୟ ନୌସେନାରେ ସାମିଲ ହେବ। ଏହି ଦୁଇଟି ଅତ୍ୟାଧୁନିକ ଯୁଦ୍ଧଜାହାଜ ବିଶାଖାପାଟଣାରେ ଜଳାବତରଣ କରାଯିବ। ପୂର୍ବ ନୌସେନା କମାଣ୍ଡର ଅଧିକାରୀମାନେ ଏହି ସୂଚନା ଦେଇଛନ୍ତି।

ଏହା ପ୍ରଥମ ଥର ଯେ ଦୁଇଟି ପ୍ରତିଷ୍ଠିତ ସ୍ୱଦେଶୀ ଜାହାଜ ନିର୍ମାତାଙ୍କ ଦ୍ୱାରା ନିର୍ମିତ ଦୁଇଟି ଯୁଦ୍ଧଜାହାଜକୁ ଏକକାଳୀନ ଗୋଟିଏ ସ୍ଥାନରେ ଜଳାବତରଣ କରାଯାଉଛି।

ଭାରତୀୟ ନୌସେନା କହିଛି, ‘ଭାରତୀୟ ନୌସେନା ୨୬ ଅଗଷ୍ଟରେ ଦୁଇଟି ଉନ୍ନତ ଫ୍ରଣ୍ଟଲାଇନ୍ ଯୁଦ୍ଧଜାହାଜ ଉଦୟଗିରି (F35) ଏବଂ ହିମଗିରି (F34)କୁ ଏକକାଳୀନ ଜଳାବତରଣ କରିବାକୁ ପ୍ରସ୍ତୁତ ହେଉଛି।’

ପୂର୍ବ ନୌସେନା କମାଣ୍ଡ (ENC) ଅନୁଯାୟୀ, ଉଦୟଗିରି ହେଉଛି ପ୍ରୋଜେକ୍ଟ 17A ‘ଷ୍ଟିଲ୍ଥ ଫ୍ରିଗେଟ୍’ର ଦ୍ୱିତୀୟ ଜାହାଜ ଏବଂ ଏହାକୁ ମୁମ୍ବାଇ ସ୍ଥିତ ମାଜାଗନ୍ ଡକ୍ ସିପ୍ ବିଲଡର୍ସ ଲିମିଟେଡ୍ ( Mazagon Dock Shipbuilders-MDL) ଦ୍ୱାରା ନିର୍ମିତ କରାଯାଇଛି। କୋଲକାତାର ଗାର୍ଡେନ୍ ରିଚ୍ ସିପ୍ ବିଲ୍ଡର୍ସ ଆଣ୍ଡ୍ ଇଞ୍ଜିନିୟର୍ସ (GRSE) ଦ୍ୱାରା ନିର୍ମିତ P17A ଜାହାଜ ମଧ୍ୟରୁ ହିମଗିରି ହେଉଛି ପ୍ରଥମ।

ଉଭୟ ଯୁଦ୍ଧଜାହାଜ ପୂର୍ବ ଡିଜାଇନ ତୁଳନାରେ ପିଢ଼ିଗତ ବିକାଶକୁ ପ୍ରତିନିଧିତ୍ୱ କରୁଛନ୍ତି । ପ୍ରାୟ ୬,୭୦୦ ଟନ୍ କ୍ଷମତା ବିଶିଷ୍ଟ P17A-ଶ୍ରେଣୀର ଯୁଦ୍ଧଜାହାଜଗୁଡ଼ିକ ସେମାନଙ୍କର ପୂର୍ବବର୍ତ୍ତୀ ଶିବାଲିକ୍-ଶ୍ରେଣୀର ଯୁଦ୍ଧଜାହାଜ ଅପେକ୍ଷା ପ୍ରାୟ ପାଞ୍ଚ ପ୍ରତିଶତ ବଡ଼।

ସେମାନଙ୍କର ଡିଜାଇନ୍ ଏପରି ଯେ ସେମାନେ ରାଡାରରୁ ଖସିଯାଆନ୍ତି ଏବଂ ଏହା ସେମାନଙ୍କର ଗୁପ୍ତ କ୍ଷମତା, ଯାହା ଶତ୍ରୁମାନଙ୍କୁ ବୋକା ବନେଇ ପାରେ । ଏହି ଯୁଦ୍ଧଜାହାଜଗୁଡ଼ିକ ଡିଜେଲ ଏବଂ ଗ୍ୟାସ ଇନ୍ଧନ (CODOG) ଉଭୟରେ ଚାଲିପାରିବ।

ଏହି ଯୁଦ୍ଧଜାହାଜଗୁଡ଼ିକ ସୁପରସୋନିକ୍ ପୃଷ୍ଠରୁ ପୃଷ୍ଠ କ୍ଷେପଣାସ୍ତ୍ର, ମଧ୍ୟମ ଦୂରଗାମୀ ପୃଷ୍ଠରୁ ଆକାଶ କ୍ଷେପଣାସ୍ତ୍ର, ୭୬ ଏମଏମ ଏମଆର ଗନ ଏବଂ ୩୦ ଏମଏମ ଏବଂ ୧୨.୭ ଏମଏମ କ୍ଲୋଜ୍-ଇନ୍ ଅସ୍ତ୍ର ପ୍ରଣାଳୀ ଏବଂ ଆଣ୍ଟି-ସବମେରିନ୍ / ପାଣି ତଳେ ଅସ୍ତ୍ର ପ୍ରଣାଳୀରେ ସଜ୍ଜିତ।