ପୁରୀରେ ଡଗ୍‌ ସୋ ଅନୁଷ୍ଠିତ

ପୁରୀ : ତାଳବଣିଆ ସ୍ଥିତ ଇଣ୍ଡୋର ଷ୍ଟାଡିୟମ ପରିସରରେ ତୃତୀୟ ଅଲବ୍ରିଡ଼ ଓପନ ଡଗ ସୋ ଅନୁଷ୍ଠିତ ହୋଇଯାଇଛି  । ଏହି କାର୍ଯ୍ୟକ୍ରମକୁ ପୁରୀ ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ ଶୁଭ ଉଦଘାଟନ କରିଥିଲେ l ।  ପ୍ରଶିକ୍ଷଣ ନେଇଥିବା କୁକୁର ମାନେ ନିଜ ନିଜର ଦକ୍ଷତା ଅନୁସାରେ ବିଭିନ୍ନ କୌଶଳ ଦେଖାଇ ଲୋକଙ୍କୁ ବେଶ ଆକୃଷ୍ଟ କରିଛନ୍ତି   ।

ଏହି ସୋ ରେ ବିଭିନ୍ନ ସ୍ଥାନରୁ ପାଖା ପାଖି ୧୦୦ରୁ ଊର୍ଦ୍ଧ୍ୱ ଏବଂ ୨୦ରୁ ଊର୍ଦ୍ଧ୍ୱ ପ୍ରଜାତିର କୁକୁର ଡଗ ସୋରେ ସାମିଲ ହୋଇଥିଲେ l କୁକୁର ହେଉଛି ବିଶ୍ବସ୍ତ ପ୍ରାଣୀ   । ପଶୁ ଓ ମନୁଷ୍ୟ ମଧ୍ୟରେ ଏହା ଏକ ସୁ ସମ୍ପର୍କ ଗଠନ କରିବା ସହ କୁକୁର ପ୍ରେମୀଙ୍କ ଲାଗି ଏହା ନିଶ୍ଚୟ ଉତ୍ସାହ ଆଣିବ ବୋଲି ଆୟୋଜକ ମାନେ ମତ ପ୍ରକାଶ କରିଛନ୍ତି l