ମୁମ୍ବାଇ: ତିନି ସପ୍ତାହରୁ ଅଧିକ ହେଲାଣି ବକ୍ସ ଅଫିସ୍ରେ ଦର୍ଶକଙ୍କ ମନୋରଞ୍ଜନ କରି ଚାଲିଛି ବଲିଉଡ ଅଭିନେତା ସନ୍ନି ଦେଓଲଙ୍କ ଅଭିନୀତ ଫିଲ୍ମ ‘ଗଦର-୨’ । ଫିଲ୍ମଟି ବେଶ୍ ଭଲ ରୋଜଗାର ମଧ୍ୟ କରୁଛି । ଅନିଲ ଶର୍ମାଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅଭିନେତ୍ରୀ ଅମିଷା ପଟେଲ ଏବଂ ସନି ଦେଓଲଙ୍କ ଯୋଡି ଦର୍ଶକଙ୍କ ହୃଦୟ ଜିତିଛି । ଏହାର ସଫଳତା ଦେଖି ନିର୍ମାତା ଗଦର-୩ ନିର୍ମାଣ କରିବେ ବୋଲି ପ୍ରଶଂସକମାନେ ଅନୁମାନ କରୁଛନ୍ତି । । ଏସବୁ ଭିତରେ ଗଦର-୩କୁ ନେଇ ଆଶ୍ଚର୍ଯ୍ୟକର ବୟାନ ଦେଇଛନ୍ତି ଅଭିନେତ୍ରୀ ଅମିଷା ପଟେଲ ।
ଅମିଷା ପଟେଲ କହିଛନ୍ତି ଯେ, ନିର୍ଦ୍ଦେଶକ ଅନିଲ ଶର୍ମା ଏତେ ସ୍ମାର୍ଟ ଥିଲେ ଯେ ତାଙ୍କ ପ୍ରଥମ ଫିଲ୍ମ ଜିନିୟସ ବକ୍ସ ଅଫିସରେ ଫ୍ଳପ ହେବାରୁ, ଗଦର-୨ର ସଫଳତାରେ ତାରା-ସାକିନାଙ୍କ ଲୁଚେଇ ରଖିଲେ । ତେଣୁ ପାର୍ଟ ୩ରେ ନିର୍ମାତା ଯଦି ତାରା-ସକିନାଙ୍କ ଏକାଠି ଅଧିକ ସମୟ ସ୍କ୍ରିନରେ ନ ରଖିବେ ତେବେ ମୁଁ ପରବର୍ତ୍ତୀ ଫିଲ୍ମରେ ଅଭିନୟ କରିବାକୁ ମନା କରିଦେବି ବୋଲି କହିଛନ୍ତି ।
ଗତ ୧୧ ତାରିଖରେ ଅନୀଲ ଶର୍ମାଙ୍କ ନିର୍ଦ୍ଦେଶିତ ଫିଲ୍ମ ‘ଗଦର-୨’ ବିଭିନ୍ନ ପ୍ରେକ୍ଷାଳୟରେ ରିଲିଜ୍ ହୋଇଥିଲା । ୨୦୦୧ ମସିହାରେ ରିଲିଜ ହୋଇଥିବା ଚଳଚ୍ଚିତ୍ର ‘ଗଦର: ଏକ ପ୍ରେମ କଥା’ର ସିକ୍ୱେଲ ହେଉଛି ‘ଗଦର-୨’ । ସେଥିରେ ବି ସନ୍ନି ଦେଓଲ ଓ ଅମିଷା ପଟେଲ ମୁଖ୍ୟ ଭୂମିକାରେ ଅଭିନୟ କରିଥିଲେ । ଗଦର ଏକ୍ ପ୍ରେମ୍ କଥା’ର କାହାଣୀ ଇଣ୍ଡୋ-ପାକ୍ ବିଭାଜନ ପରେ ସକିନା ନାମକ ଜଣେ ମୁସଲମାନ ଯୁବତୀଙ୍କ ସହ ତାରା ସିଂହ ନାମକ ଜଣେ ଭାରତୀୟ ଶିଖ ଯୁବକଙ୍କ ସହିତ ପ୍ରେମକୁ ଚିତ୍ରଣ କରିଥିଲା ।‘ଗଦର’ରେ, ତାରା ସିଂହ ପାକିସ୍ତାନ ଯାଇ ତାଙ୍କ ପତ୍ନୀଙ୍କୁ ଫେରାଇ ଆଣନ୍ତି ଏବଂ ବର୍ତ୍ତମାନ ‘ଗଦର ୨’ ରେ ସେ ପୁଣି ସୀମା ପାର ହୋଇଛନ୍ତି ନିଜ ପୁଅକୁ ଫେରି ପାଇବା ପାଇଁ ।
Comments are closed.