ପ୍ରେମିକା କିହଲେ ଜହ୍ନରେ କରିବେ ‘ପ୍ରେମ’… ଗର୍ଲଫ୍ରେଣ୍ଡଙ୍କ ଇଚ୍ଛା ପୂରଣ ପାଇଁ NASAକୁ ପଶିଗଲେ ପ୍ରେମିକ !

ନୂଆଦିଲ୍ଲୀ: ପ୍ରେମ ପାଇଁ ପେରିଯୁଗୋଳ ଚନ୍ଦ୍ର-ତାରା ତୋଳି ଆଣିବାର ପ୍ରତିଶ୍ରୁତି ଦେଇଥାଏ, କିନ୍ତୁ ଜଣେ ପ୍ରେମିକ ଏହାକୁ ବାସ୍ତବରେ କରି ଦେଖାଇଛନ୍ତି। ଏହି ଘଟଣା ୨୦୦୨ ମସିହାରେ, ଅର୍ଥାତ୍ ଆଜଠାରୁ ପ୍ରାୟ ୨୩ ବର୍ଷ ପୂର୍ବେ ଘଟିଥିଲା। ଆମେରିକାର ମହାକାଶ ସଂସ୍ଥା ନାସା (NASA)ର କଡ଼ା ସୁରକ୍ଷାକୁ ଧୋକା ଦେଇ ଜଣେ ପ୍ରେମିକ ତା’ର ପ୍ରେମିକାଙ୍କ ଇଚ୍ଛା ପୂରଣ କରିଥିଲେ ଏବଂ ଚନ୍ଦ୍ରରୁ ଆଣିଥିବା ୧୭ ପାଉଣ୍ଡ ଓଜନର ଏକ ପଥର ଚୋରି କରିଥିଲେ। ନାସାର ଇଣ୍ଟର୍ନ ଥାଡ ରବର୍ଟସ ତାଙ୍କ ପ୍ରେମିକା ପାଇଁ ଯେଉଁ କାରନାମା କରିଥିଲେ, ତାହା ଆନ୍ତର୍ଜାତୀୟ ଖବରରେ ଚର୍ଚ୍ଚାରେ ରହିଥିଲା।

ଥାଡ ଓ ତାଙ୍କ ସାଙ୍ଗମାନେ ହ୍ୟୁଷ୍ଟନର ଜନସନ ସ୍ପେସ ସେଂଟରରୁ ଚୋରି କରିଥିବା ଚନ୍ଦ୍ର ପଥରର ମୂଲ୍ୟ ଥିଲା ପ୍ରାୟ ୨୧ ମିଲିୟନ ଡଲାର। ପୁଲିସ ତାଙ୍କୁ ଏହି ଚୋରି ଅଭିଯୋଗରେ ଧରିବା ପରେ ସେ ଯେଉଁ କାରଣ ଦର୍ଶାଇଥିଲେ, ତାହା ଶୁଣି ପୁଲିସ ମଧ୍ୟ ତାଜୁବ ହୋଇଯାଇଥିଲେ। ଥାଡ ରବର୍ଟସ ସେତେବେଳେ ମାତ୍ର ୨୪ ବର୍ଷର ଥିଲେ। ସେ ଚୋରି ପାଇଁ ଏକ ଅଦ୍ଭୂତ ଯୋଜନା କରିଥିଲେ। ଏଥିପାଇଁ ସେ ସୁରକ୍ଷା କ୍ୟାମେରାଗୁଡ଼ିକୁ ରି-ପ୍ରୋଗ୍ରାମ କରିଥିଲେ, ନିଓପ୍ରେନ ବଡ଼ିସୁଟ ପିନ୍ଧିଥିଲେ ଏବଂ ନାସାର ଅସଲି ବ୍ୟାଜ ମଧ୍ୟ ହାସଲ କରିଥିଲେ। ତାଙ୍କ ସହ ତାଙ୍କ ପ୍ରେମିକା ଟିଫାନି ଫାଉଲର ଓ ଅନ୍ୟ ଜଣେ ଇଣ୍ଟର୍ନ ଶେ ସାଉର ମଧ୍ୟ ଥିଲେ। ତିନିଜଣ ମିଶି ବିଲଡିଂ ୩୧ରେ ଅନୁପ୍ରବେଶ କରିଥିଲେ, ଯେଉଁଠାରେ ଚନ୍ଦ୍ର ପଥର ରଖାଯାଇଥିଲା। ଥାଡ ଓ ଟିଫାନି ଭିତରକୁ ଯାଇଥିବା ବେଳେ ସେ ବାହାରେ ସୁରକ୍ଷା ଉପରେ ନଜର ରଖୁଥିଲେ। ସେମାନେ ୬୦୦ ପାଉଣ୍ଡ ଓଜନର ଏକ ତାଲା ଭାଙ୍ଗି ଚନ୍ଦ୍ରର ମୂଲ୍ୟ ପଥର ଚୋରି କରିଥିଲେ। ଥାଡ ଓ ଟିଫାନି ଏକାନ୍ତରେ ପ୍ରେମରେ ଥିଲେ। ଥାଡ କହିଥିଲେ ଯେ ସେ ଏହି ଚୋରି ପ୍ରେମ ପାଇଁ କରିଥିଲେ।

ସେ କହିଥିଲେ, “ବେବି, ମୁଁ ତୁମକୁ ଚନ୍ଦ୍ର ଦେବି ଓ ଏହା ଆମ ସମ୍ପର୍କର ରୋମାଣ୍ଟିକ ଆରମ୍ଭ ହେବ।” ଥାଡ କହିଥିଲେ ଯେ ସେ ଚନ୍ଦ୍ର ପଥରଗୁଡ଼ିକୁ ନିଜ ଶେଯ ତଳେ ରଖିଥିଲେ ଯାହା ଦ୍ୱାରା ସେମାନେ ଚନ୍ଦ୍ର ଉପରେ ଅନ୍ତରଙ୍ଗ ମୁହୂର୍ତ୍ତ ଉପଭୋଗ କରିପାରିବେ। ସେ ଏହାକୁ ପ୍ରେମର ପ୍ରତୀକ ଭାବୁଥିଲେ। କିନ୍ତୁ ଥାଡ ଏମିତି କହିବା ପ୍ରଶ୍ନ, ପ୍ରଶ୍ନ ଉଠୁଛି ଯେ ସେ କ’ଣ ସତରେ କେବଳ ପ୍ରେମ ପାଇଁ ଏହା କରିଥିଲେ?

ଆସଲ ଉଦ୍ଦେଶ୍ୟ କ’ଣ ଥିଲା?
ଏଫବିଆଇର ତଦନ୍ତରୁ ଜଣାପଡ଼ିଥିଲା ଯେ ଥାଡଙ୍କର ଚନ୍ଦ୍ର ପଥରଗୁଡ଼ିକୁ ବିକ୍ରି କରିବାର ଯୋଜନା ମଧ୍ୟ ଥିଲା। ବେଲଜିୟମର ଜଣେ ସମ୍ଭାବ୍ୟ କ୍ରେତା ପ୍ରତି ଗ୍ରାମ ପିଛା ୧,୦୦୦ରୁ ୫,୦୦୦ ଡଲାର ଦେବାକୁ ପ୍ରସ୍ତୁତ ଥିଲେ। କିନ୍ତୁ ଯେତେବେଳେ କ୍ରେତାଙ୍କୁ ଚୋରିର ସନ୍ଦେହ ହେଲା, ସେ ନିଜେ ଏଫବିଆଇକୁ ସୂଚନା ଦେଇଥିଲେ। ଆଶ୍ଚର୍ଯ୍ୟଜନକ ଭାବେ, ଥାଡ ପରେ ଚୋରି ସ୍ୱୀକାର କରିଥିଲେ ଏବଂ ତାଙ୍କୁ ୮ ବର୍ଷ ଜେଲ ଦଣ୍ଡାଦେଶ ହୋଇଥିଲା। ୬ ବର୍ଷ ଜେଲରେ କାଟିବା ପରେ ୨୦୦୮ରେ ତାଙ୍କୁ ମୁକ୍ତ କରାଯାଇଥିଲା। ତାଙ୍କ ପ୍ରେମିକା ଟିଫାନି ଓ ଶେଙ୍କୁ ୧୮୦ ଦିନ ନଜରବନ୍ଦୀ, ୧୫୦ ଘଣ୍ଟା ସାମାଜିକ ସେବା, ତିନି ବର୍ଷର ପ୍ରତିବନ୍ଧ ଏବଂ ନାସାକୁ ୯,୦୦୦ ଡଲାର କ୍ଷତିପୂରଣ ଦେବାର ଦଣ୍ଡ ମିଳିଥିଲା। ମଜାଦାର କଥା ହେଲା, ଚନ୍ଦ୍ର-ତାରା ତୋଳିବାର ପ୍ରତିଶ୍ରୁତି ଦେଇଥିବା ଏହି ପ୍ରେମିକ ଯୋଡ଼ି ଚୋରି ପରେ ଆଉ କେବେ ମୁହାଁମୁହିଁ ହୋଇନଥିଲେ। ଏହି କାହାଣୀକୁ ବେନ ମେଜରିଚ ୨୦୧୧ରେ ‘ସେକ୍ସ ଅନ ଦି ମୁନ’ ନାମକ ପୁସ୍ତକରେ ଲେଖିଥିଲେ।