ମୁମ୍ବାଇ: ବିଳାସପୂର୍ଣ୍ଣ କାର ଛାଡି ଟ୍ରାକ୍ଟର ଚଲାଇଲେ ବଲିଉଡ଼ର ସୁପରଷ୍ଟାର ଅମିତାଭ ବଚ୍ଚନଙ୍କ ନାତୁଣୀ ନବୟା ନାଭେଲି ନନ୍ଦା । ନବୟା ଅଭିନୟ ଜଗତରେ ସକ୍ରିୟ ନ ହୋଇପାରନ୍ତି, କିନ୍ତୁ ତାଙ୍କର ଲୋକପ୍ରିୟତା ଜଣେ ଅଭିନେତ୍ରୀଙ୍କ ତୁଳନାରେ କମ୍ ନୁହେଁ । ସେ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ଗୁଜୁରାଟର ଏକ ଗାଁରେ ଟ୍ରାକ୍ଟର ଚଳାଉଥିବାର ନଜର ଆସିଛନ୍ତି । ନବୟାଙ୍କୁ ଏହିପରି ଟ୍ରାକ୍ଟର ଚଳାଉଥିବାର ଦେଖି ପ୍ରଶଂସକମାନେ ଖୁବ୍ ପସନ୍ଦ କରିଛନ୍ତି ।
ନବୟା ଏକ କୁର୍ତ୍ତା ଓ ପ୍ଲାଜୋ ପିନ୍ଧିଛନ୍ତି, ଯେଉଁଥିରେ ସେ ଖୁବ୍ ସୁନ୍ଦର ଦେଖାଯାଉଛନ୍ତି । ଗୁଜରାଟର ଗଣେଶପୁର ଗାଁ ଗସ୍ତ ସମୟରେ ସେ ସ୍ଥାନୀୟ ଲୋକଙ୍କୁ ଭେଟିଥିଲେ । ସେ ନିଜର ବିଳାସପୂର୍ଣ୍ଣ କାର ଛାଡି ନିଜେ ଏକ ଟ୍ରାକ୍ଟର ଚଲାଇ ଆଖପାଖ ଅଞ୍ଚଳ ବୁଲିଥିଲେ । ସେ ଗାଁରେ ବୁଲୁଥିବା ସମୟର ଏକ ଭିଡିଓ ନିଜେ ସୋସିଆଲ ମିଡ଼ିଆରେ ସେୟାର କରି କ୍ୟାପସନରେ ଲେଖିଛନ୍ତି, ‘ଗଣେଶପୁର, ଗୁଜରାଟ ।’
ନବୟା ମହିଳାମାନଙ୍କ ଉପରେ ଧ୍ୟାନ ଦେଉଥିବା ଏକ ସ୍ୱାସ୍ଥ୍ୟ ବୈଷୟିକ କମ୍ପାନୀର ସହଯୋଗୀ ଅଟନ୍ତି । ସେମାନେ ସ୍ୱେଚ୍ଛାସେବୀ ଭାବେ କାର୍ଯ୍ୟ କରନ୍ତି । ଶ୍ୱେତା ବଚ୍ଚନ ଏବଂ ବ୍ୟବସାୟୀ ନିଖିଲ ନନ୍ଦାଙ୍କ ଝିଅ ନବୟା ଲଣ୍ଡନର ଏକ ଅନୁଷ୍ଠାନରୁ ସ୍ନାତକ ହାସଲ କରିଛନ୍ତି । ସେ ନ୍ୟୁୟର୍କର ଫୋର୍ଡହମ୍ ୟୁନିଭରସିଟିରୁ ଡିଜିଟାଲ୍ ଟେକ୍ନୋଲୋଜି ମଧ୍ୟ ଅଧ୍ୟୟନ କରିଛନ୍ତି । ଲୋକମାନେ ଆଶା କରୁଥିଲେ ଯେ ସେ ତାଙ୍କ ଅଜାଆଇଙ୍କ ପରି ଅଭିନୟରେ କ୍ୟାରିଅର୍ କରିବେ, କିନ୍ତୁ ସେ ଅଳ୍ପ ବୟସରେ ଉଦ୍ୟୋଗୀ ପାଲଟିଗଲେ ।
