ମୁମ୍ବାଇ: ପୁଣି ଚର୍ଚ୍ଚାରେ ବଲିଉଡର ବିଗ୍ ବି । ବଲିଉଡର ମହାନାୟକ ଅମିତାଭ ବଚ୍ଚନ କରିବେ ଅଙ୍ଗଦାନ । ଏନେଇ ସେ ନିଜେ ତାଙ୍କ ଟ୍ୱିଟର ହ୍ୟାଣ୍ଡେଲରେ ଘୋଷଣା କରିଛନ୍ତି ।
T 3675 – I am a pledged ORGAN DONOR .. I wear the green ribbon of its sanctity !!? pic.twitter.com/EIxUJzkGU6
— Amitabh Bachchan (@SrBachchan) September 29, 2020
ଅମିତାଭ ବଚ୍ଚନ ଏକ ଟ୍ୱିଟ କରି ନିଜର ଏକ ଫଟୋ ପୋଷ୍ଟ କରିଛନ୍ତି । ଫଟୋରେ ସେ ପିନ୍ଧିଥିବା କୋଟରେ ଏକ ଛୋଟ ସବୁଜ ରଙ୍ଗର ଫିତା ରହିଛି । ଏହି ଫଟୋ ସେୟାର କରି ବିଗ ବି ଲେଖିଛନ୍ତି, “ମୁଁ ଅର୍ଗାନ୍ ଡୋନର୍ ହେବାକୁ ଶପଥ ନେଇଛି । ଏହି ସବୁଜ ଫିତା ମୁଁ ଏହାର ପବିତ୍ରତା ପାଇଁ ପିନ୍ଧିଛି ।” ଅମିତାଭଙ୍କ ଟ୍ୱିଟରେ ଅନେକ ପ୍ରଶଂସକ ଜବାବ ଦେଇଛନ୍ତି । ଏହାସହ ଅନେକ ଲୋକ ନିଜର ଅର୍ଗାନ ଡୋନର ସାର୍ଟିଫିକେଟ ସେୟାର କରିଛନ୍ତି । ଆଉ କିଛି ପ୍ରଶଂସକ ଅମିତାଭଙ୍କ ପଦାନୁସରଣ କରି ଅର୍ଗାନ୍ ଡୋନେଟ୍ କରିବାକୁ କହିଛନ୍ତି ।
କରୋନାରୁ ସୁସ୍ଥ ହେବା ପରେ ଅମିତାଭ ଏବେ କେବିସି -୧୨ ସିଜିନ୍ ହୋଷ୍ଟ କରୁଛନ୍ତି। ଏହି ସୋ’କୁ ନେଇ ଦର୍ଶକଙ୍କ ମଧ୍ୟରେ ପ୍ରତି ବର୍ଷ ଖୁବ୍ ଉତ୍ସାହ ଦେଖିବାକୁ ମିଳୁଥିବା ବେଳେ ଏଥର କିନ୍ତୁ ପରିସ୍ଥିତି ଟିକେ ଭିନ୍ନ ରହିଛି। କରୋନା ମହାମାରୀ ଯୋଗୁ ଏଥର ସୋ’ରେ ଦର୍ଶକଙ୍କ ଅନୁପସ୍ଥିତି ଦେଖିବାକୁ ମିଳୁଥିବା ବେଳେ ଅଡିଅନ୍ସ ପୋଲ୍କୁ ମଧ୍ୟ ହଟାଇ ଦିଆଯାଇଛି।