କିଶୋର କୁମାରଙ୍କ ବାୟୋପିକ୍‌ରେ ରଣବୀର

ମୁମ୍ବାଇ: ଖୁବ୍‌ଶୀଘ୍ର ବଲିଉଡର ସୁପର ଷ୍ଟାର ସିଙ୍ଗର ତଥା ଅଭିନେତା ସ୍ୱର୍ଗତ କିଶୋର କୁମାରଙ୍କ ଆସିବ ବାୟୋପିକ୍ । ଏନେଇ ନିର୍ଦ୍ଦେଶକ ଅନୁରାମ ବାସୁ ଘୋଷଣା କରିଛନ୍ତି । ସେ କିଶୋର କୁମାରଙ୍କ ଜୀବନୀ ଉପରେ ଫିଲ୍ମ ତିଆରି କରିବାକୁ ଯାଉଛନ୍ତି । ତେବେ ଏହି ଫିଲ୍ମର ଲିଡ୍ ରୋଲ୍ ତଥା କିଶୋର କୁମାରଙ୍କ ଭୂମିକାରେ ରଣବୀର କପୁରଙ୍କୁ ପ୍ରସ୍ତାବ ଦିଆଯାଇଛି । ରଣବୀର ମଧ୍ୟ ଏହି ଫିଲ୍ମ ପାଇଁ ହଁ କରିଛନ୍ତି । ଏହି ଫିଲ୍ମକୁ ନେଇ ସେ ବେଶ୍ ଉତ୍ସାହ ମଧ୍ୟ ଅଛନ୍ତି । ଆସନ୍ତା ମାସରେ ସ୍କ୍ରିନ ଟେଷ୍ଟ ଆରମ୍ଭ ହେବ ।
ପୂର୍ବରୁ ଅନୁରାଗ ଓ ରଣବୀର ‘ବର୍ଫି’ ଫଲ୍ମରେ ଏକାଠି କାମ କରିସାରିଛନ୍ତି । ଏହି ଫିଲ୍ମଟି ବକ୍ସ ଅଫିସ୍‌ରେ ସୁପରହିଟ୍ ମଧ୍ୟ ହୋଇଥିଲା । ତେବେ ପୁଣି ଥରେ ଏଇ ଯୋଡି ଏକାଠି କାମ କରିବାକୁ ଯାଉଛନ୍ତି । ଏହି ଫିଲ୍ମରେ ରଣବୀର ଅପଜିଟ୍‌ରେ ଅନୁରାଗ, ଦୀପିକା ପାଦୁକୋନ ଓ ସୋନମ କପୁରଙ୍କୁ ନେବା ପାଇଁ ଯୋଜନା ଚାଳାଇଛନ୍ତି । ତେବେ ରଣବୀରଙ୍କ ଅପଜିଟ୍‌ରେ କିଏ ରହିବ ସେ ନେଇ ବର୍ତ୍ତମାନ ଯାଏଁ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ ।