କାହିଁକି ଗୋବିନ୍ଦାଙ୍କୁ ‘ଜଗା ଜାସୁସ୍’ରୁ ବିଦାୟ ନେବାକୁ ପଡ଼ିଥିଲା; ମୁହଁ ଖୋଲିଲେ ନିର୍ଦ୍ଦେଶକ ଅନୁରାଗ ବାସୁ
ନୂଆଦିଲ୍ଲୀ: ଫିଲ୍ମ ନିର୍ଦ୍ଦେଶକ ଅନୁରାଗ ବାସୁ ନିକଟରେ ଫିଲ୍ମ ଅଭିନେତା ଗୋବିନ୍ଦାଙ୍କୁ ‘ଜଗା ଜାସୁସ୍’ରୁ କାହିଁକି ବାହାର କରିଦେଇଥିଲେ ସେ ନେଇ ପ୍ରକାଶ କରିଛନ୍ତି। ଅନୁରାଗ ବାସୁ ଏକ ୱେବସାଇଟକୁ ଏ ସମ୍ପର୍କରେ ସୂଚନା ଦେଇଛନ୍ତି।
ଅନୁରାଗ ବାସୁ କହିଛନ୍ତି, ‘ଫିଲ୍ମର ସୁଟିଂ ପୂର୍ବରୁ ଅନେକ ଥର ବିଳମ୍ବ ହୋଇଯାଇଥିଲା ଏବଂ ଏହା ପରେ ଗୋବିନ୍ଦା ସେଟକୁ ଆସିବେ କି ନାହିଁ ସେ ନେଇ ସନ୍ଦେହ ଥିଲା। ଏହା ସବୁ ଅପ୍ରତ୍ୟାଶିତ ଥିଲା ଏବଂ ସେ ଏତେ ଚାପ ନେଇ ପାରିନଥିଲେ। ଦକ୍ଷିଣ ଆଫ୍ରିକାରେ ଫିଲ୍ମ ପାଇଁ ସୁଟିଂ ଚାଲିଥିଲା। ତେଣୁ ଗୋବିନ୍ଦାଙ୍କୁ ସୁଟିଂରୁ ବିଦାୟ ନେବାକୁ ପଡିଲା।
୨୦୧୭ରେ ଏହି ଘଟଣା ପରେ ଗୋବିନ୍ଦା ନିଜର ଅସନ୍ତୋଷ ବ୍ୟକ୍ତ କରିଥିଲେ ଏବଂ ଗୋଟିଏ ପରେ ଗୋଟିଏ ଟୁଇଟ୍ କରି ନିଜର କ୍ରୋଧ ପ୍ରକାଶ କରିଥିଲେ। ଗୋବିନ୍ଦା ଲେଖିଛନ୍ତି, ‘ମୁଁ ଜଣେ ଅଭିନେତା ଭାବରେ ମୋର କାମ କରିସାରିଛି ଏବଂ ଯଦି ନିର୍ଦ୍ଦେଶକ ଏଥିରେ ଖୁସି ନୁହଁନ୍ତି, ତେବେ ତାହା ହେଉଛି ସେମାନଙ୍କର ନିଷ୍ପତ୍ତି। ମୋ ବିଷୟରେ ଅନେକ ଭୁଲ ଖବର ପ୍ରଚାର ହେଉଛି। ଏହି କାରଣରୁ, ଚଳଚ୍ଚିତ୍ରଟି ୩ ବର୍ଷ ଧରି ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଥିଲା।
Comments are closed.