ହାଇଦ୍ରାବାଦ: ଚଳିତ ଆଇପିଏଲରେ ବିରାଟ କୋହଲିଙ୍କ ଶତକ ବଳରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସହଜରେ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରି ପ୍ଲେଅଫରେ ପ୍ରବେଶ କରିଛି । ଅନୁଷ୍କା ଅଧିକାଂଶ ସମୟ କୋହଲିଙ୍କ ମ୍ୟାଚ ଷ୍ଟାଡିୟମରେ ଉପଭୋଗ କରିବାକୁ ଭଲ ପାଇଥାନ୍ତି । ତେବେ ଏହି ମ୍ୟାଚ ସମୟରେ ସେ ମୁମ୍ବାଇରେ ଥିବାରୁ ଆସି ପାରି ନ ଥିଲେ । କୋହଲି ଶତକ ହାସଲ କରିବା ପରେ ଅନୁଷ୍କା ତାଙ୍କୁ ଭିଡିଓ କଲ କରିଥିଲେ । ଏହି ଦୃଶ୍ୟ କ୍ୟାମେରାରେ କୈଦ ହୋଇ ଯାଇଥିଲ । । ଯାହା ପ୍ରଶଂସକଙ୍କ ବେଶ ପସନ୍ଦ ଆସିଥିଲା ଏବଂ ଖୁବ କମ ସମୟରେ ଭାଇରାଲ ହୋଇ ଯାଇଥିଲା । ଏହି ଇନିଂସ ପରେ ସୋସିଆଲ ମିଡିଆରେ କୋହଲିଙ୍କ ଉଦ୍ଦେଶ୍ୟରେ ପୋଷ୍ଟ କରିଥିଲେ, ଚମତ୍କାର ଇନିଂସ ଖେଳିଲ ।
ଅନୁଷ୍କାଙ୍କୁ କୋହଲି ସର୍ବଦା ନିଜର ଶକ୍ତି ଭାବେ ବିବେଚନା କରିଥାନ୍ତି । ୪ ବର୍ଷ ପରେ କୋହଲି ଆଇପିଏଲରେ ଶତକ ହାସଲ କରିଛନ୍ତି । ତାହା ପୁଣି ୯୪ରେ ସମ୍ପୂର୍ଣ୍ଣ ଷ୍ଟାଇଲରେ ଛକା ମାରି ପୂରଣ କରିଥିଲେ । ଅନୁଷ୍କା ତାଙ୍କ ପରିବାର ପାଇଁ ଫିଲ୍ମ ଦୁନିଆରୁ ଦୂରେଇ ରହିବାକୁ ପସନ୍ଦ କରୁଛନ୍ତି । ଚଳିତ ଆଇପିଏଲରେ ବାଙ୍ଗାଲୋର ଶେଷ ମ୍ୟାଚରେ ବିଜୟ ହାସଲ କରି ପ୍ଲେ ଅଫ ପ୍ରବେଶ ଲକ୍ଷ୍ୟରେ ରହିବ । ବାଙ୍ଗାଲୋର ୧୩ ମ୍ୟାଚରୁ ୧୪ ପଂଏଟ ହାସଲ କରିଛି ।
Comments are closed.