ମୁମ୍ବାଇ: ପରଦାକୁ ଆସିଲା ଫିଲ୍ମ ‘ଶୁଭ ମଙ୍ଗଲ ଜ୍ୟାଦା ସାବଧାନ’ର ଆଉ ଏକ ନୂଆ ଗୀତ “ଅରେ ପ୍ୟାର୍ କର୍ଲେ” । ଗୀତରେ ଫିଲ୍ମର ପୁରା କାଷ୍ଟକୁ ରେଟ୍ରୋ ଲୁକ୍ରେ ଦେଖିବାକୁ ମିଳିଛି । ଏକ ଏହା ଡିସ୍କୋ ସଙ୍ଗ । ଗୀତଟିକୁ ବଲିଉଡର ସୁପରଷ୍ଟାର ସିଙ୍ଗର ବାପି ଲେହରୀ ଓ ଅୟୁଷ୍ମାନ ଖୁରାନା ମିଶି ଗାଇଛନ୍ତି । ଏହାର ଲିରିକ୍ସ ଲେଖିଛନ୍ତି ବାୟୁ । ଗୀତର ମ୍ୟୁଜକ କମ୍ପୋଜ କରିଛନ୍ତି ତନିସ୍କ ବାଗଚୀ ।
୧୯୮୫ ଦଶକର ଫିଲ୍ମ ‘ସାହେବ’ର ଗୀତ ‘ୟାର୍ ବିନା ଚେନ୍ କାହାଁରେ’କୁ ପୁଣି ଥରେ ଏହି ଫିଲ୍ମରେ ରିକ୍ରିଏଟ୍ କରାଯାଇଛି । ଭିଡିଓରେ ୯୦ ଦଶକର ଝଲକ୍ ଦେଖିବାକୁ ମିଳିଛି । ଗୀତଟି ରିଲିଜ ହେବାର କିଛି ଘଂଟା ଭିତରେ ହିଁ ଦର୍ଶକଙ୍କୁ ବେଶ୍ ପସନ୍ଦ ମଧ୍ୟ ଆସିଛି ।
ବହୁ ଚର୍ଚ୍ଚିତ କମେଡି ଡ୍ରାମା ଫିଲ୍ମ ‘ଶୁଭ ମଙ୍ଗଲ ଜ୍ୟାଦା ସାବଧନ’ ସମଲିଙ୍ଗି ସମ୍ପର୍କ ଉପରେ ଆଧାରିତ । ଏହାର ଲିଡ୍ ରୋଲ୍ରେ ଆୟୁଷ୍ମାନ ଖୁରାନା, ଜିତୁ, ନୀନା ଗୁପ୍ତା, ଗଜରାଜ ରାଓ ପ୍ରମୁଖ ଅଛନ୍ତି । ହିତେଶ କୈବଲ୍ୟଙ୍କ ନିର୍ଦ୍ଦେଶନାରେ ତିଆରି ଏହି ଫିଲ୍ମ ଆସନ୍ତା ୨୧ ତାରିଖରେ ପରଦାକୁ ଆସିବ ।
Comments are closed.