ମୁମ୍ବାଇ: ବଲିଉଡ଼ର କିଙ୍ଗ୍ ଖାନ ଶାହାରୁଖ ଖାନଙ୍କ ଅଭିନିତ ଫିଲ୍ମ ‘ଯବାନ’ ଏବେ ସାରା ବିଶ୍ୱରେ ଧମାଲ କରୁଛି । ଏହା ଗତ ୭ ତାରିଖରେ ରିଲିଜ୍ ହୋଇଥିଲା । ଫିଲ୍ମକୁ ଦର୍ଶକ ବେଶ ପସନ୍ଦ କରିଛନ୍ତି । କେବଳ ଭାରତରେ ନୁହେଁ ସମଗ୍ର ବିଶ୍ୱରେ ଫିଲ୍ମ ଯବାନର କ୍ରେଜ ଦେଖିବାକୁ ମିଳିଛି । ଆଡଭାନ୍ସ ବୁକିଂରେ ଭଲ ଆୟ କରିବା ପରେ ରିଲିଜ୍ ହେବାର ୫ଦିନରେ ଫିଲ୍ମ ବକ୍ସ ଅଫିସରେ ବି ରେକର୍ଡ଼ ଭାଙ୍ଗିଛି । ଏହି ଫିଲ୍ମକୁ ଦେଖିବା ପରେ ଅନେକ କଳାକାର ବେଶ୍ ପ୍ରଶଂସା କରିଛନ୍ତି । ଏବେ ଅଭିନେତା ଅର୍ଜୁନ କପୁର ମଧ୍ୟ ଫିଲ୍ମ ‘ଯବାନ’ ଦେଖିବା ପରେ ଶାହାରୁଖ ଖାନଙ୍କ ସହ ନୟନତାରାଙ୍କ କେମେଷ୍ଟ୍ରିକୁ ଢେର ପ୍ରଶଂସା କରିଛନ୍ତି ।
ତାମିଲ ଫିଲ୍ମ ନିର୍ମାତା ଆଟଲେଙ୍କ ନିର୍ଦ୍ଦେଶିତ ଏହି ଫିଲ୍ମ ‘ଯବାନ’କୁ ନିକଟରେ ଅର୍ଜୁନ ଦେଖିଥିଲେ । ପରେ ସେ ଶାହାରୁଖ ଏବଂ ନୟନତାରାଙ୍କୁ ବହୁତ ପ୍ରଶଂସା କରିଥିଲେ । ଏନେଇ ଅର୍ଜୁନ ତାଙ୍କ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ସେ କହିଛନ୍ତି ଯେ, ଇଣ୍ଡଷ୍ଟିରେ ଶାହାରୁଖ ଖାନ ପ୍ରକୃତରେ କିଙ୍ଗ୍ । ତାଙ୍କୁ ଯେତେ ପ୍ରଶଂସା କଲେ ବି କମ୍ ହେବ । ଆଉ ତାଙ୍କର ନାୟିକା ସାଜିଥିବା ଅଭିନେତ୍ରୀ ନୟନତାରା ଏହି ଫିଲ୍ମରେ ଚିତାକର୍ଷକ ଅଭିନୟ କରିଛନ୍ତି । ଯାହା ସମସ୍ତଙ୍କ ହୃଦୟକୁ ଛୁଇଁଛି । ଏହା ସହିତ ନିର୍ଦ୍ଦେଶକ ଅଟଲେଙ୍କୁ ମଧ୍ୟ ପ୍ରଶଂସା କରି ଲେଖିଛନ୍ତି- ଅଟଲେ ସାର ୱାଓ ।
Comments are closed.