ବକ୍ସର ଆଶୀଷଙ୍କ ଅଭିଯାନ ଶେଷ, ସଜନ ସେମିକୁ କ୍ୱାଲିଫାଏ କରିବାରେ ବିଫଳ

ଟୋକିଓ: କ୍ୟାରିୟରର ପ୍ରଥମ ଅଲିମ୍ପିକ୍ସ ଖେଳୁଥିବା ଭାରତୀୟ ବକ୍ସର ଆଶୀଷ କୁମାର ରାଉଣ୍ଡ ଅଫ ୩୨ରୁ ବିଦାୟ ନେଇଛନ୍ତି । ପୁରୁଷ ୭୫ କିଗ୍ରା କାଟାଗୋରୀରେ ସେ ଚୀନର ଏରବିକେ ତୁସହେତାଙ୍କ ନିକଟରୁ ୦-୫ରେ ପରାଜିତ ହୋଇଥିଲେ । ସେହିପରି ଟେବୁୂଲଟେନିସ ମହିଳା ସିଙ୍ଗଲ୍ସରେ ଭାରତର ଅଭିଯାନ ଶେଷ ହୋଇଛି । ମନିକା ବାତ୍ରା ତୃତୀୟ ରାଉଣ୍ଡରେ ଅଷ୍ଟ୍ରିଆର ସୋଫିୟା ପେଲକାନୋଭାଙ୍କ ନିକଟରୁ ୦-୪ (୮-୧୧, ୨-୧୧, ୫-୧୧, ୭-୧୧)ରେ ହାରି ଯାଇଥିଲେ । ସୋମବାର ଏ ପର୍ଯ୍ୟନ୍ତ ଭାରତୀୟଙ୍କ ପ୍ରଦର୍ଶଦ ଉତ୍ସାହଜନକ ରହି ନାହିଁ । ପୂର୍ବରୁ ବ୍ୟାଡମିଂଟନ, ଟେବୁଲ ଟେନିସ, ଶୁଟିଂ ଓ ସେଲିଂରେ ମଧ୍ୟ ନିରାଶ ହେବାକୁ ପଡିଛି । ସନ୍ତରଣରେ ସଜନ ପ୍ରକାଶ ସେମିଫାଇନାଲକୁ କ୍ୱାଲିଫାଏ କରିବାରେ ବିଫଳ ହୋଇଛନ୍ତି । ୨୦୦ ମିଟର ବଟରଫ୍ଲାଏ ଇଭେଂଟରେ ସେ ହିଟ୨ରେ ୪ର୍ଥ ସ୍ଥାରେ ରହିଥିଲେ । ଯାହା କି ତାଙ୍କୁ ଟପ ୧୬କୁ ନେବା ପାଇଁ ଯଥେଷ୍ଟ ହୋଇ ନ ଥିଲା ।