ନୂଆଦିଲ୍ଲୀ: ଟେଷ୍ଟ କ୍ରିକେଟରେ ଭାରତର ରବିଚନ୍ଦ୍ରନ ଅଶ୍ୱୀନ ବିଶ୍ୱର ଏକ ନମ୍ବର ବୋଲର ମାନ୍ୟତା ପାଇଛନ୍ତି । ବୁଧବାର ପ୍ରକାଶିତ ଆଇସିସି ଟେଷ୍ଟ ର୍ୟାଙ୍କିଙ୍ଗରେ ସେ ଶୀର୍ଷରେ ରହିଛନ୍ତି । ଇଂଲଣ୍ଡ ବିପକ୍ଷ ଧର୍ମଶାଳା ଟେଷ୍ଟରେ ୯ ୱିକେଟ ଅକ୍ତିଆର କରି ଅଶ୍ୱିନୀ ଗୋଟିଏ ସ୍ଥାନ ଉନ୍ନୀତ ହୋଇଥିଲେ । ଅଶ୍ୱିନୀଙ୍କ ଚମତ୍କାର ବୋଲିଂ ସହାୟତାରେ ଭାରତ ୪-୧ରେ ଇଂଲଣ୍ଡକୁ ହରାଇଥିଲା । ଏହି ସିରିଜରେ ସମସ୍ତ ସ୍ପିନ ବୋଲରଙ୍କ ପ୍ରଦର୍ଶନ ପ୍ରଶଂସନୀୟ ରହିଥିଲା । ଭାରତର ଯଶପ୍ରୀତ ବୁମରାହ ତୃତୀୟ ସ୍ଥାନକୁ ଖସି ଆସିଛନ୍ତି । ବୁମରାହଙ୍କ ହଟେଇ ଅଶ୍ୱିନୀ ୮୭୦ ରେଟିଂ ପଂଏଟ ସହ ଏକ ନମ୍ବର ବୋଲର ହୋଇଛନ୍ତି ।
ଅଷ୍ଟ୍ରେଲିଆର ଜୋଶ ହାଜେଲଉଡ ୮୪୭ ରେଟିଂ ପଂଏଟ ସହ ଦ୍ୱିତୀୟ ସ୍ଥାନରେ ରହିଛନ୍ତି । ରବୀନ୍ଦ୍ର ଜାଡେଜା ୭ମ ଏବଂ କୁଲଦୀପ ଯାଦବ ୧୬ତମ ସ୍ଥ୍ାନରେ ରହିଛନ୍ତି । ପ୍ରଥମ ୨୦ଜଣ ବୋଲରଙ୍କ ମଧ୍ୟରେ ଭାରତର ୪ଜଣ ରହିଛନ୍ତି ।
Comments are closed.