ଚାଷୀଙ୍କ ସମସ୍ୟା ବୁଝିଲା ବିଧାନସଭା ଷ୍ଟାଣ୍ଡିଂ କମିଟି

କୋରାପୁଟ: ବିଧାନ ସଭା ଷ୍ଟାଣ୍ଡିଂ କମିଟି ଜୟପୁର ଆରଏମଏସି ୟାର୍ଡ ଧାନ ମଣ୍ଡି ପରିଦର୍ଶନ କରିଛି । ଏହି ଟିମରେ ଷ୍ଟାଣ୍ଡିଂ କମିଟି ଅଧ୍ୟକ୍ଷ ବିଧାୟକ ଅରବିନ୍ଦ ଢାଲି, ମେମ୍ବର ନିତ୍ୟା ନନ୍ଦ ଗୋଣ୍ଡ ଥିଲେ । କମିଟି ଚାଷୀଙ୍କ ସମସ୍ୟା ବୁଝିବା ସହ ଏସଏସଜି ଗ୍ରୁଫ ସହ ଆଲୋଚନା କରିଥିଲେ । କିଛି ଚାଷୀଙ୍କୁ ଟୋକେନ ମିଳି ନ ଥିବା, ମଣ୍ଡିରେ ଭିତ୍ତିଭୁମି ନ ଥିବା, ମିଲରମାନେ ଧାନକ୍ରୟରେ ଅସହଯୋଗ କରିବା ଆଦି କମିଟି ନିକଟରେ ଚାଷୀ ଅଭିଯାଗ କରିଥିଲେ । ଟିମ ସବୁ ତଥ୍ୟ ସଂଗ୍ରହ କରି ସରକାରଙ୍କୁ ରିପୋର୍ଟ ଦେବେ । ଏହି କମିଟି ସହ ଜିଲା ପ୍ରଶାସନ ତରଫରୁ ଏଡିଏମ ରାଜେନ୍ଦ୍ର ମାଝୀ, ଜିଲା ଯୋଗାଣ ଅଧିକାରୀ ପ୍ରଦୀପ କୁମାର ପଣ୍ଡା, ଏସିସିଓ ସୁଶୀଲ କୁମାର ଜେନା, ଏମଆଇ ହରି ଶରଣ ମଲ୍ଲିକ, ଆରଏମସି ସମ୍ପାଦକ ଚନ୍ଦ୍ର ସେଠିଆ ଉପସ୍ଥିତ ଥିଲେ ।