ଖୁବଶୀଘ୍ର ଭାରତର ଆଣବିକ ଅସ୍ତ୍ରଶସ୍ତ୍ରରେ ସାମିଲ ହେବ ଅସ୍ତ୍ର ଏମକେ-୨, ଜାଣନ୍ତୁ କ’ଣ ରହିଛି ବିଶେଷତ୍ବ

ନୂଆଦିଲ୍ଲୀ: ଭାରତ ଖୁବଶୀଘ୍ର ବାୟୁସେନାରେ ଅସ୍ତ୍ର ଏମକେ-୨ ମିସାଇଲକୁ ଅନ୍ତର୍ଭୁକ୍ତ କରିବ । ଏହାକୁ ରାଫେଲ ଯୁଦ୍ଧ ବିମାନରେ ସ୍ଥାପନ କରାଯିବ । ଏହା ରଡାର ପରିବର୍ତ୍ତନ କରୁଥିବା ବିମାନକୁ ମଧ୍ୟ ଆକାଶରେ ନଷ୍ଟ କରିବାରେ ସକ୍ଷମ ହେବ । ଏହା ସହିତ ତେଜସ୍ ମାର୍କ ୧ଏ ଏବଂ ତେଜସ୍ ମାର୍କ ୨ଏ ଯୁଦ୍ଧ ବିମାନ ସୁଖୋଇ ଏବଂ ଏମସିଏ ପରି ବିମାନର ଶକ୍ତି ବୃଦ୍ଧି କରିବ ।

ଅସ୍ତ୍ର ଏମକେ-୨ ମିସାଇଲ ହେଉଛି ଏକ ସ୍ୱଦେଶୀ ବାୟୁରୁ ବାୟୁ କ୍ଷେପଣାସ୍ତ୍ର । ଯାହା ବେୟଣ୍ଡ ଭିଜୁଆଲ୍ ପରିସର ବାହାରେ ମଧ୍ୟ ଆକ୍ରମଣ କରିପାରିବ । ଏହାର ଅର୍ଥ ହେଉଛି କୌଣସି ଫାଇଟର ଜେଟ୍ କିମ୍ବା ଯୁଦ୍ଧ ହେଲିକପ୍ଟରର ପାଇଲଟ୍ ଯେଉଁ ପର୍ଯ୍ୟନ୍ତ ଦେଖିପାରିବ ସେହି ଦୂରତା ପର୍ଯ୍ୟନ୍ତ ଏହା ସଠିକ୍ ଭାବରେ ଟାର୍ଗେଟ କରିବାରେ ସକ୍ଷମ ହେବ ।

ଅସ୍ତ୍ର ଏମକେ-୨ ମିସାଇଲ ବର୍ତ୍ତମାନ ଏହାର ଶେଷ ପରୀକ୍ଷଣ ପର୍ଯ୍ୟାୟରେ ଅଛି, କିନ୍ତୁ ଏହାର ଶକ୍ତିଶାଳୀ ଆକ୍ରମଣର ଖବର ସମଗ୍ର ଏସିଆରେ ବ୍ୟାପିବାରେ ଲାଗିଛି । ଏଥିରେ ଏକ ଅପ୍ଟିକାଲ୍ ପ୍ରାକ୍ସିମିଟି ଫ୍ୟୁଜ୍ ଲାଗିଛି । ଏହାର ଅର୍ଥ ଏହି ମିସାଇଲ ଟି ନିଜର ଲକ୍ଷ୍ୟ ଉପରେ ନଜର ରଖିଥାଏ । ଧାର୍ଯ୍ୟ ଦୂରତା ଠାରୁ ଲକ୍ଷ୍ୟ ନିକଟତର ହେବା ମାତ୍ରେ ଏହା ସହିତ ଧକ୍କା ହେବା ପରେ ଏହା ବିସ୍ଫୋରଣ କରିଥାଏ ।

ଏହାର ପରିସର ୧୩୦ ରୁ ୧୬୦ କିଲୋମିଟର ଅଟେ । ଏହାର ଗତି ଏବଂ ସଠିକତା ଏତେ ଉନ୍ନତମମାନର ଯେ ଏହା ଅବସ୍ଥାନକୁ ପରିବର୍ତ୍ତନ କରୁଥିବା ଟାର୍ଗେଟକୁ ମଧ୍ୟ ନଷ୍ଟ କରିଥାଏ । ଏହା ଏୟାର-ଟୁ-ଏୟାର ମିସାଇଲ୍ ବିୟଣ୍ଡ୍ ଭିଜୁଆଲ୍ ରେଞ୍ଜ୍ ବର୍ଗରେ ଆସିଥାଏ । ଏହାର ଅର୍ଥ ହେଉଛି ଯେଉଁଠାରେ ଯୁଦ୍ଧ ବିମାନ କିମ୍ବା ଆଟାକ୍ ହେଲିକପ୍ଟରର ପାଇଲଟ୍ ମଧ୍ୟ ଦେଖିପାରୁ ନାହାଁନ୍ତି, ଏହି କ୍ଷେପଣାସ୍ତ୍ର ସମ୍ପୂର୍ଣ୍ଣ ସଠିକତା ସହିତ ଆକ୍ରମଣ କରିଥାଏ ।