ନୂଆଦିଲ୍ଲୀ: ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ସ୍କଟ ମୋରିସନ୍ ନିର୍ବାଚନରେ ହାରିଛନ୍ତି। ନିର୍ବାଚନରେ ଜିତିଥିବା ଲେବର ପାର୍ଟିର ଆନ୍ଥୋନୀ ଆଲବାନେ ବର୍ତ୍ତମାନ ଅଷ୍ଟ୍ରେଲିଆର ନୂଆ ପ୍ରଧାନମନ୍ତ୍ରୀ ହେବେ। ନିର୍ବାଚନ ଫଳାଫଳ ବାହାରିବା ପରେ ମୋରିସନ୍ କହିଛନ୍ତି ଯେ ସେ ଲିବରାଲ୍ ପାର୍ଟିର ନେତା ପଦରୁ ଇସ୍ତଫା ଦେବେ। ସେ କହିଛନ୍ତି ଯେ ତାଙ୍କ ଦଳର ପରାଜୟ ପାଇଁ ସେ ଉତ୍ତରଦାୟୀ।
ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ନିର୍ବାଚନରେ ଛଅ ଜଣ ପ୍ରାର୍ଥୀ ପ୍ରଧାନମନ୍ତ୍ରୀ ପଦ ପାଇଁ ଦୌଡ଼ରେ ଥିଲେ, କିନ୍ତୁ ମୁଖ୍ୟ ପ୍ରତିଯୋଗିତା ମୋରିସନ୍ ଏବଂ ଆଲବାନିସ୍ ମଧ୍ୟରେ ହୋଇଥିଲା। 2019 ନିର୍ବାଚନରେ ମୋରିସନ୍ ଏକ ସଂପୂର୍ଣ୍ଣ ସଂଖ୍ୟାଗରିଷ୍ଠତା ମଧ୍ୟ ପାଇପାରିନଥିଲେ ଏବଂ ଛୋଟ ଦଳ ସହ ମେଣ୍ଟ ସରକାର ଗଠନ କରିଥିଲେ। ଏଥର ଅଷ୍ଟ୍ରେଲିଆ ନିର୍ବାଚନରେ ଜଳବାୟୁ ପରିବର୍ତ୍ତନ ଏକ ବଡ଼ ପ୍ରସଙ୍ଗ ଥିଲା। ଜଙ୍ଗଲରେ ଅଗ୍ନିକାଣ୍ଡ ଏବଂ ବନ୍ୟା ପରିସ୍ଥିତିକୁ ନେଇ ମୋରିସନ୍ ସରକାରକୁ ବିରୋଧୀ ଘେରିଥିଲେ।
ଅଷ୍ଟ୍ରେଲିଆରେ ତଳ ସଦନରେ 151 ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା। ସରକାର ଗଠନ ପାଇଁ 76 ଟି ସିଟ୍ ଆବଶ୍ୟକ। ଅଷ୍ଟ୍ରେଲିଆରେ ଦୁଇଟି ସଦନ ରହିଛି। ଉପର ସଦନର କାର୍ଯ୍ୟକାଳ 6 ବର୍ଷ। ଏଠାରେ ସରକାରଙ୍କ କାର୍ଯ୍ୟକାଳ ତିନି ବର୍ଷ। ଅର୍ଥାତ୍ ପ୍ରତି ତିନି ବର୍ଷରେ ନିର୍ବାଚନ ଅନୁଷ୍ଠିତ ହୁଏ।
ଅଷ୍ଟ୍ରେଲୀୟ ଲେବର ପାର୍ଟିର ବିଜୟ ସହ ପ୍ରଧାନମନ୍ତ୍ରୀ ଭାବେ ନିର୍ବାଚିତ ହୋଇଥିବାରୁ ମହାମହିମ ଆନ୍ଥୋନି ଅଲବନିଜଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି ।
ଉଲ୍ଲେଖଯୋଗ୍ୟ, ନରେନ୍ଦ୍ର ମୋଦୀଙ୍କ ଲୋକପ୍ରିୟତା ଏବେ ସାରା ବିଶ୍ୱରେ ରହିଛି। ମୋଦୀ ଏବେ ଜଣେ ଗ୍ଲୋବାଲ ଲିଡର ହୋଇସାରିଛନ୍ତି। ଭାରତର ବିଭିନ୍ନ ଦେଶ ସହ ସମ୍ପର୍କ ମଧ୍ୟ ବଢିବା ସହ ତିକ୍ତତା ମଧ୍ୟ ବଢିଛି । ହେଲେ ବିଭିନ୍ନ ସମୟରେ ଯେଉଁ କିଛି ନେତା ମୋଦୀଙ୍କ ନିକଟତର ବୋଲି କହୁଯାଏ ସେମାନେ ହେଲେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ଇସ୍ରାଏଲର ପୂର୍ବତନ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଏବଂ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ । ଇତି ମଧ୍ୟରେ ମୋଦୀଙ୍କର ତିନି ସାଙ୍ଗ ନିର୍ବାଚନ ହାରିବା ପରେ ପଦ ଛାଡି ସାରିଛନ୍ତି।
