ମୁମ୍ବାଇ: ସନି ଦେଓଲ ନିକଟରେ ତାଙ୍କର ୧୯୯୭ ଚଳଚ୍ଚିତ୍ର ‘ବର୍ଡର-୨’ର ସିକ୍ୱେଲ ଘୋଷଣା କରିଛନ୍ତି। ଏହି ଫିଲ୍ମକୁ ନେଇ ଗତ ବର୍ଷରୁ ଇଣ୍ଡଷ୍ଟ୍ରିରେ ଚର୍ଚ୍ଚା ଜାରି ରହିଛି। ଏଥିରେ ସନି ଦଓଲ ପୁଣିଥିରେ ମୁଖ୍ୟ ନାୟକ ରୂପେ ଫେରିବେ। ଅନୁମାନ କରାଯାଉଥିଲା ଯେ ଅନୁରାଗ ସିଂଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ସନିଙ୍କ ବିପକ୍ଷରେ ମୁଖ୍ୟ ଭୂମିକାରେ ଆୟୁଷ୍ମାନ ଖୁରାନା ଅଭିନୟ କରିବେ। କିନ୍ତୁ ମିଡ୍-ଡେ ରିପୋର୍ଟ ଅନୁଯାୟୀ, ମାସେ ଧରି ଆଲୋଚନା ପରେ ଆୟୁଷ୍ମାନ ସନିଙ୍କ ଫିଲ୍ମରେ ତାଙ୍କ ଭୂମିକାକୁ ନେଇ ଦ୍ୱନ୍ଦ୍ୱରେ ଥିବାରୁ ସେ ‘ବର୍ଡର-୨’ କରିବେ ନାହିଁ। ତେଣୁ ସନିଙ୍କ ଯୋଗୁଁ ସେ ଫିଲ୍ମ ଛାଡିଲେ ବୋଲି ଏବେ ଚର୍ଚ୍ଚା ହେଉଛି।
ମିଡିଆ ରିପୋର୍ଟ ଅନୁଯାୟୀ, “ଆୟୁଷ୍ମାନ ସିକ୍ୱେଲରେ ଜଣେ ସୈନିକ ଭୂମିକାରେ ଅଭିନୟ କରିବାକୁ କଥା ହୋଇଥିଲେ। ଉଭୟ ଆୟୁଷ୍ମାନ ଏବଂ ନିର୍ମାତା ସହଯୋଗ କରିବାକୁ ଆଗ୍ରହୀ ଥିଲେ, କିନ୍ତୁ ସନି ଦେଓଲଙ୍କ ଫିଲ୍ମରେ ତାଙ୍କ ସ୍ଥିତି ବିଷୟରେ ଅଭିନେତା ନିଶ୍ଚିତ ନୁଥିଲେ।”
ନିକଟରେ ଗୁଜବ ମଧ୍ୟ ହୋଇଛି ଯେ ଏହି ଚଳଚ୍ଚିତ୍ରରେ ପଞ୍ଜାବୀ ଅଭିନେତା-ଗାୟକ ଦିଲଜିତ ଦୋସାଞ୍ଝ ମୁଖ୍ୟ ଭୂମିକାରେ ଅଭିନୟ କରିବେ। ତେବେ ଏକ ସୂତ୍ରରୁ ଜଣାପଡିଛି ଯେ, “ଏପର୍ଯ୍ୟନ୍ତ ଏନେଇ କିଛି ନିଶ୍ଚିତ ହୋଇନାହିଁ। କିନ୍ତୁ ନିର୍ମାତାମାନେ ଦିଲଜିତଙ୍କ ପାଖକୁ ଯାଇଥିଲେ। ଉତ୍ତର ଭାରତରେ ଦଲଜିତଙ୍କର ଲୋକପ୍ରିୟତା ଆଧାରକୁ ଦେଖି ଦିଲଜିତ ଏବଂ ସନିଙ୍କୁ ପରଦାରେ ଏକାଠି ଦେଖିବା ଏକ ଟ୍ରିଟ ହେବା ଅନୁମାନ କରାଯାଉଛି। ” ନଭେମ୍ବର ସୁଦ୍ଧା ଏହି ଫିଲ୍ମ ଫ୍ଲୋରକୁ ଆସିବ ବୋଲି ଆଶା କରାଯାଉଛି।
ନିର୍ଦ୍ଦେଶକ ଜେପି ଦତ୍ତଙ୍କ ସଂସ୍କୃତି କ୍ଲାସିକ୍ ‘ବର୍ଡର’ ଜୁନ୍ ୨୦୧୪ରେ ୨୭ ବର୍ଷ ପୂରଣ କରିଛି ଏବଂ ସନି ଦେଓଲ୍ ସିକ୍ୱେଲ୍ ‘ବର୍ଡର-୨’ ଘୋଷଣା କରି ପ୍ରଶଂସକଙ୍କୁ ଏକ ବଡ଼ ଖୁସି ଖବର ଦେଇଛନ୍ତି।୧୯୯୭ ମସିହାରେ ମୁକ୍ତିଲାଭ କରିଥିବା ବର୍ଡର ହେଉଛି ୧୯୭୧ ର ଭାରତ-ପାକିସ୍ଥାନ ଯୁଦ୍ଧର କାହାଣୀ। ଏହି ଦେଶପ୍ରେମୀ ଚଳଚ୍ଚିତ୍ରରେ ସନି ଦେଓଲ, ଜ୍ୟାକି ଶ୍ରଫ, ସୁନୀଲ ଶେଟ୍ଟୀ ଏବଂ ଅକ୍ଷୟ ଖାନ୍ନା ମୁଖ୍ୟ ଭୂମିକାରେ ଅଭିନୟ କରିଥିଲେ।
Comments are closed.