ମୁମ୍ବାଇ: ଅଭିନେତା ଆୟୁଷ୍ମାନ ଖୁରାନାଙ୍କ ପତ୍ନୀ ତଥା ଚଳଚ୍ଚିତ୍ର ନିର୍ମାତା-ଲେଖିକା ତାହିର କଶ୍ୟପ ପୁଣି ଥରେ ସ୍ତନ କର୍କଟରେ ପୀଡିତ । ୨୦୧୮ ମସିହାରେ ବହୁ ସାହସର ସହ ସେ ସ୍ତନ କର୍କଟ ସହ ଲଢି ଆରୋଗ୍ୟ ଲାଭ କରିଥିଲେ । ଏବେ ପୁଣି ସେ ସେହି ଭୟଙ୍କର ରୋଗରେ ପୀଡିତ । ଏନେଇ ତାହିର ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ସୂଚନା ଦେଇଛନ୍ତି। ଏନେଇ ଖବର ମିଳିବା ପରେ ତାହିରଙ୍କ ପ୍ରଶଂସକମାନେ ତାଙ୍କୁ ମାନସିକ ସମର୍ଥନ ଦେଉଛନ୍ତି ।
ତାହିର କଶ୍ୟପ ସୋସିଆଲ ମିଡ଼ିଆରେ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ସାତ ବର୍ଷର ନିୟମିତ ଚେକଅପ୍ ପରେ। ଏହା ଏକ ଦୃଷ୍ଟିକୋଣ। ମୋ ପାଇଁ ଦ୍ୱିତୀୟ ରାଉଣ୍ଡ… ମୋତେ ଏହା ପୁଣି ଥରେ ହୋଇଛି । “ଯେତେବେଳେ ଜୀବନ ଆପଣଙ୍କୁ ଲେମ୍ବୁ ଦେଉଛି ତେବେ ଆପଣ ଲେମ୍ବୁ ପାଣି ତିଆରି କରନ୍ତୁ,” ଯେତେବେଳେ ଜୀବନ ଅତ୍ୟାଧିକ ଉଦାର ହୋଇ ସେଗୁଡ଼ିକୁ ବାରମ୍ବାର ତୁମ ଉପରେ ଫୋପାଡ଼ି ଦିଏ, ସେତେବେଳେ ଶାନ୍ତ ଭାବରେ ସେଗୁଡ଼ିକୁ ତୁମର ପ୍ରିୟ କଳା ଖଟ୍ଟାରେ ମିଶାଇ ଦିଅ। ଏବଂ ଭଲ ଉଦ୍ଦେଶ୍ୟ ରଖି ଏହାକୁ ପିଅ। କାରଣ ପ୍ରଥମତଃ ଏହା ଭଲ ଏବଂ ଦ୍ୱିତୀୟତଃ ତୁମେ ଜାଣ ଯେ ତୁମେ ପୁଣି ଥରେ ତୁମର ଶ୍ରେଷ୍ଠ ପ୍ରଦର୍ଶନ କରିବ। ନିୟମିତ ସ୍କ୍ରିନିଂ କରାନ୍ତୁ। ମେମୋଗ୍ରାମକୁ ଭୟ କର ନାହିଁ। ପୁଣି ଥରେ ସ୍ତନ କର୍କଟ। ଆମେ ଯଥାସମ୍ଭବ ନିଜର ଯତ୍ନ ନେବା ଉଚିତ।
କହି ରଖୁଛୁ ଯେ, ତାହିରଙ୍କୁ ୨୦୧୮ ମସିହାରେ ସ୍ତନ କର୍କଟ ରୋଗ ହୋଇଥିବା ଜଣାପଡ଼ିଥିଲା। ତାହିର ଏହା ବିଷୟରେ ସଚେତନତା ପ୍ରସାର କରିଥିଲେ ଏବଂ ତାଙ୍କ ଯାତ୍ରା ବିଷୟରେ ଖୋଲାଖୋଲି କହିଥିଲେ। ସେ ସ୍ତନ କର୍କଟ ରୋଗର ଚିହ୍ନ ମଧ୍ୟ ଦେଖାଇଥିଲେ। ତାହିରା ବିଶ୍ୱ କର୍କଟ ଦିବସରେ ତାଙ୍କର କେଶହୀନ ଫଟୋ ସେୟାର କରିଥିଲେ ଏବଂ ଏକ ବାର୍ତ୍ତା ଲେଖିଥିଲେ। ସେ ତାଙ୍କ ଚିକିତ୍ସା ସମୟର ମୁହୂର୍ତ୍ତଗୁଡ଼ିକୁ ମଧ୍ୟ ପ୍ରଶଂସକଙ୍କ ସହ ସେୟାର କରିଥିଲେ ।
Comments are closed.