ବୁଲା ପଶୁ ପକ୍ଷୀଙ୍କ ଅନ୍ନଦାତା ସାଜିଛି ‘ବଡି ଦିଦି’

ମାଲକାନଗିରି: କରୋନା ଯୋଗୁଁ ଚାରିଆଡେ ତାଲାବନ୍ଦ । ରାସ୍ତଘାଟ ସବୁ ଶୂନଶାନ । କେହି ନାହାନ୍ତି ଅଛନ୍ତି କେବଳ ପଶୁ ପକ୍ଷୀ। କରୋନା ଯୋଗୁଁ କେବଳ ମଣିଷ ନୁହନ୍ତି ପଶୁ ପକ୍ଷୀ ମଧ୍ୟ ସଙ୍କଟରେ ଅଛନ୍ତି । ଲକଡାଉନ୍ ଯୋଗୁଁ ବୁଲା ପଶୁ ପକ୍ଷୀମାନେ ଏବେ ଖାଇବାକୁ ପାଉ ନାହାନ୍ତି । ଏମାନେ ଯେପରି ଭୋକରେ ନ ମରିବେ ସେଥିପାଇଁ ବୁଲା ପଶୁ ପକ୍ଷୀଙ୍କ ଅନ୍ନଦାତା ସାଜିଛନ୍ତିି ‘ବଡି ଦିଦି’ର କିଛି ଯୁବତୀ। ମାଲକାନଗିରି ଜିଲ୍ଲା ର ‘ବଡି ଦିଦି’ ନାମକ ଏକ ସଂସ୍ଥାର କେତେ ଜଣ ସ୍ୱେଚ୍ଛାସେବୀ ଯୁବତୀ ଏକାଠି ହୋଇ ବୁଲା କୁକୁର ଗାଈଙ୍କୁ ପ୍ରତିଦିନ ଖାଇବାକୁ ଦେଉଛନ୍ତି । ସମସ୍ତେ ମିଳି ମିଶି ସକାଳୁ ରୁଟି ତିଆରି କିର ରାସ୍ତାଘାଟ ବୁଲୁଥିବା କୁକୁର ଏବଂ ପଶୁ ପକ୍ଷୀଙ୍କ ପେଟକୁ ଅନ୍ନ ଯୋଗାଉଛନ୍ତି ।