ସ୍କୁଲ ଛୁଟି ଖୋଲିବା ପୂର୍ବରୁ ଅଭିଭାବକ ଓ ଛାତ୍ରଛାତ୍ରୀ ଚିନ୍ତିତ; ଆଧ୍ୟାତ୍ମିକ କାର୍ଯ୍ୟକ୍ରମ ଉପରେ ଗୁରୁତ୍ୱ

ବାହାନଗା: ଗ୍ରୀଷ୍ମ ଛଟି ଶେଷ ହେବାକୁ ଯାଉଛି। ଖୋଲିବାକୁ ଯାଉଛି ସ୍କୁଲ। ହେଲେ ବାହାନଗା ବଜାର ହାଇସ୍କୁଲରେ ଗ୍ରୀଷ୍ମ ଛୁଟି ପରେ ଛାତ୍ରଛାତ୍ରୀମାନେ ଆସିବାକୁ କେତେ ପ୍ରସ୍ତୁତ ତାହା ଏବେ ଆଲୋଚନାର ବିଷୟ ହୋଇଛି। ଏପରି ଆଲୋଚନାର କାରଣ ନିକଟରେ ଘଟିଥିବା ଟ୍ରେନ ଦୁର୍ଘଟଣା। ଯାହାକୁ ନେଇ ସ୍କୁଲକୁ ଆସିବାକୁ ଥିବା ଛାତ୍ରଛାତ୍ରୀ ଓ ଅଭିଭାବକ ଏବେ ଚିନ୍ତିତ। କାରଣ ଏହି ସ୍କୁଲରେ ମୃତକ ମାନଙ୍କୁ ରଖାଯାଇଥିଲା। ଯାହାକୁ ନେଇ ଅନେକଙ୍କ ମନରେ ଆତଙ୍କ ଖେଳିଯାଇଛି।

ବାହାନଗା ରେଳ ଷ୍ଟେସନ ନିକଟରେ ଘଟିଥିବା ରେଳ ଦୁର୍ଘଟଣା ପରେ, ସ୍କୁଲଟି ଏକ ଭୟଙ୍କର ଦୃଶ୍ୟ ପାଲଟିଥିଲା, ଯେଉଁଠି 250 ରୁ ଅଧିକ ମୃତାହତଙ୍କ ଶବ ଚିହ୍ନଟ ପାଇଁ ରଖାଯାଇଥିଲା। ସ୍କୁଲକୁ ଟ୍ରାଞ୍ଜିଟ୍ ପଏଣ୍ଟ ଭାବେ ବ୍ୟବହାର କରି ଦୁର୍ଘଟଣାଗ୍ରସ୍ତ କରମଣ୍ଡଳ ଏକ୍ସପ୍ରେସର ଭଗ୍ନାବଶେଷରୁ ମୃତଦେହ ବାହାର କରିବା ପାଇଁ ଉଦ୍ଧାରକାରୀ ଦଳ ଓ ସ୍ଥାନୀୟ ବାସିନ୍ଦା ଅକ୍ଲାନ୍ତ ପରିଶ୍ରମ କରିଥିଲେ। ତିନୋଟି ଶ୍ରେଣୀଗୃହର ସୀମିତ ସ୍ଥାନ ଅଭାବ ପଡିବାରୁ ସ୍କୁଲ ପ୍ରଶାସନକୁ ମୃତକଙ୍କୁ ଚିହ୍ନଟ କରିବା ପାଇଁ ଖୋଲା ହଲକୁ ବ୍ୟବହାର କରିବାକୁ ପଡ଼ିଥିଲା।

ସକାଳୁ ସକାଳୁ ସ୍କୁଲ ପରିସରରେ ଶୋକାକୁଳ ପରିବେଶ ସୃଷ୍ଟି ହେବା ସହ ପରିବାର ଲୋକେ ନିଜ ପ୍ରିୟଜନଙ୍କ ମୃତଦେହକୁ ଖୋଜିବାରେ ଲାଗିପଡିଥିଲେ। ପ୍ରାୟ ଦୁଇ ଦିନ ପରେ ଜିଲ୍ଲା ପ୍ରଶାସନ ଧୀରେ ଧୀରେ ମୃତଦେହଗୁଡ଼ିକୁ ଅନ୍ୟତ୍ର ସ୍ଥାନାନ୍ତର କରିଥିଲା। ତେବେ ଏହି ଘଟଣା ଛାତ୍ର ଛାତ୍ରୀ ଓ ସେମାନଙ୍କ ଅଭିଭାବକଙ୍କ ଉପରେ ଏକ ସ୍ଥାୟୀ ପ୍ରଭାବ ପକାଇଛି। ଯାହା ଭୟ ଓ ଅନ୍ଧବିଶ୍ୱାସ ମଧ୍ୟରେ ରହିଛି। ଏକ ପ୍ରଚଳିତ ଭାବନା ଯେ ସେମାନଙ୍କ ଉପରେ କିଛି ଖରାପ ଘଟିପାରେ।

ମର ଶରୀରରେ ଭରି ଯାଇଥିଲା ଆମ ସ୍କୁଲ। ଆମ ପରିସରରେ ବିକ୍ଷିପ୍ତ ହୋଇ ରହିଥିବା ସେସବୁ ଭୟଙ୍କର ଚିତ୍ର ଆମ ମନରେ ସ୍ଥାନ ପାଇଛି। ଅଧିକାଂଶ ମୃତଦେହ ଖଣ୍ଡ ବିଖଣ୍ଡିତ ହୋଇଯାଇଥିଲା। ଥରେ ବିଦ୍ୟାଳୟ କୋଠାରେ ପୂଜା ପାଠ ହୋଇଗଲେ, ଆମ ମନକୁ କିଛି ସାନ୍ତ୍ୱନା ମିଳିବ, ବାହାନଗା ହାଇସ୍କୁଲର ଜଣେ ଛାତ୍ର ଏହା କହିଛନ୍ତି।

ଭୟଙ୍କର ଦୃଶ୍ୟ ଆମ ପିଲାଙ୍କୁ ଗଭୀର ଭାବେ ପ୍ରଭାବିତ କରିଛି। ଯାହା ଫଳରେ ସେମାନେ ଭୟଭୀତ ହୋଇପଡ଼ିଛନ୍ତି। ସେମାନେ ସ୍କୁଲକୁ ଆସିବାକୁ ମନା କରିବା ସହ ପୁଣି ପାଠପଢ଼ା ଆରମ୍ଭ କରୁଛନ୍ତି। ଅଭିଭାବକ ଭାବେ ଆମେ ସେମାନଙ୍କ ମଙ୍ଗଳ ପାଇଁ ଗଭୀର ଭାବେ ଚିନ୍ତିତ ବୋଲି ଅଭିଭାବକମାନେ କହିଛନ୍ତି।

ଗ୍ରୀଷ୍ମ ଛୁଟି ଶେଷ ହେବାକୁ ବସିଥିବା ବେଳେ ସପ୍ତାହକ ମଧ୍ୟରେ ସ୍କୁଲ ଖୋଲିବାକୁ ଯାଉଛି। ମୃତଦେହ ଗୁଡିକୁ ଭୁବନେଶ୍ୱର ସ୍ଥାନାନ୍ତର କରାଯାଇଥିବା ବେଳେ ବିଦ୍ୟାଳୟର ପରିମଳ ବ୍ୟବସ୍ଥାକୁ ଗୁରୁତ୍ୱ ଦିଆଯାଇଛି। ମନୋବଳ ବୃଦ୍ଧି ଓ ନକରାତ୍ମକ ଚିନ୍ତାଧାରାକୁ ଦୂର କରିବା ପାଇଁ ଜିଲ୍ଲା ଶିକ୍ଷାଧିକାରୀ ବିଦ୍ୟାଳୟ ପରିଚାଳନା କମିଟି ଓ ପୁରାତନ ଛାତ୍ରଛାତ୍ରୀଙ୍କୁ ନେଇ ଏକ ବୈଠକ କରିଛନ୍ତି।

ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଏବଂ ଡିଇଓ ଏହି ଘଟଣାର ପ୍ରଭାବକୁ ଦୂର କରିବା ପାଇଁ ସ୍ଥାନୀୟ ଲୋକଙ୍କ ମଧ୍ୟରେ ବ୍ୟାପକ ସଚେତନତା କାର୍ଯ୍ୟକ୍ରମ ଆରମ୍ଭ କରିବାକୁ ଯୋଜନା କରିଛନ୍ତି।

ଏହି ମର୍ମନ୍ତୁଦ ଦୁର୍ଘଟଣା ସମୟରେ ବିଦ୍ୟାଳୟ ଏବଂ ସ୍ଥାନୀୟ ଲୋକ ଯେଉଁ ଅସାଧାରଣ ସେବା ପ୍ରଦାନ କରିଛନ୍ତି ତାହାକୁ ଆମେ ନିଶ୍ଚିତ ଭାବେ ସ୍ବୀକାର କରିବା ଉଚିତ। ସେମାନଙ୍କର ମାନବିକତା ଏବଂ ସାହସିକତା ପ୍ରଶଂସାଯୋଗ୍ୟ। ଆମେ ସେମାନଙ୍କୁ ଏହି ନିଃସ୍ୱାର୍ଥପର କାର୍ଯ୍ଯ ବିଷୟରେ ମନେ ପକାଇବୁ। ଆବଶ୍ୟକ ସଚେତନତା କାର୍ଯ୍ୟକ୍ରମ ଦ୍ୱାରା ଏହି ଅଞ୍ଚଳର କୌଣସି ଛାତ୍ରଛାତ୍ରୀ ପାଠପଢା ଛାଡିବେ ନାହିଁ ବୋଲି ମୋର ବିଶ୍ୱାସ ବୋଲି ବାଲେଶ୍ୱର ଡିଇଓ ବିଷ୍ଣୁ ଚରଣ ସୂତାର ଦୃଢୋକ୍ତି ପ୍ରକାଶ କରିଛନ୍ତି।

ଆମର ଛାତ୍ରଛାତ୍ରୀମାନଙ୍କୁ ସେମାନଙ୍କ ଭୟକୁ ଦୂର କରିବାରେ ସାହାଯ୍ୟ କରିବା ପାଇଁ ଆମେ ଆଧ୍ୟାତ୍ମିକ କାର୍ଯ୍ୟକ୍ରମ ଏବଂ ପୂଜାପାଠର ଆୟୋଜନ କରିବୁ। ସମାଜସେବା ଓ ସାହସିକତା ଆଦି ଉପରେ ଗୁରୁତ୍ୱ ଦେବୁ ବୋଲି କହିଛନ୍ତି ପ୍ରଧାନଶିକ୍ଷୟତ୍ରୀ ପ୍ରମିଳା ସ୍ବାଇଁ।

କିନ୍ତୁ ସ୍କୁଲ ଖୋଲିବା ପରେ ଉପସ୍ଥାପନ ହିଁ କହିବା ପିଲାମାନେ ଏହି ଘଟଣା ଦ୍ବାରା କେତେ ନିଜ ମନରେ କେତେ ସକରାତ୍ମକ ଭାବ ଆଣିଛନ୍ତି।