ମୁମ୍ବାଇ: ବଲିଉଡ଼ର ଭାଇଜାନ ସୁପରଷ୍ଟାର ସଲ୍ମାନ୍ ଖାନ୍ଙ୍କ ଅଭିନୀତ ଫିଲ୍ମ ଟାଇଗର ୩ର ଗୀତରେ ନାଚିଲେ ମୁନ୍ନି । ତାଙ୍କର ଏହି ନାଚ ବେଶ୍ ଭାଇରାଲ ହେବାରେ ଲାଗିଛି । ୨୦୧୫ ମସିହାରେ ଆସିଥିବା ସଲମାନଙ୍କ ଫିଲ୍ମ ବଜରଙ୍ଗୀ ଭାଇଜାନରେ ମୁନ୍ନି ଅର୍ଥାତ ହର୍ସାଳି ମଲ୍ହୋତ୍ରା ନିଜର ନିଖୁଣ ଅଭିନୟରେ କୋଟି କୋଟି ପ୍ରଶଂସକଙ୍କ ହୃଦୟ ଜିଣିବାରେ ସକ୍ଷମ ହୋଇଥିଲେ । ଆଜି ସେଇ କୁନି ଝିଅ ବଡ଼ ହୋଇଯାଇଛିି । ଏବେ ସେ ସୋସିଆଲ ମିଡ଼ିଆରେ ବେଶ୍ ସକ୍ରିୟ ।
ହର୍ସାଳି ପ୍ରତିଦିନର କାର୍ଯ୍ୟକଳାପ ବିଷୟରେ ପ୍ରଶଂସକଙ୍କୁ ନିଜ ପୋଷ୍ଟ ମାଧ୍ୟମରେ ଜଣାଇଥାନ୍ତି । ଏବେ ସେ ସଲ୍ମାନ ଖାନ୍ଙ୍କ ‘ଟାଇଗର-୩’ ଫିଲ୍ମର ଏକ ଗୀତରେ ନୃତ୍ୟ ପରିବେଷଣ କରି ସେୟାର କରିବା ପରେ ତାଙ୍କୁ ବହୁ ଗ୍ରହଣୀୟତା ମିଳିଛି । ଅନେକ ପ୍ରଶଂସକ ତାଙ୍କୁ ଭବିଷ୍ୟତର ସୁପରଷ୍ଟାର ବୋଲି କହୁଛନ୍ତି ।
ବର୍ତ୍ତମାନ ଏହି ଗୀତରେ ହର୍ସାଳି ମଲହୋତ୍ରା ଏକ ସୁନ୍ଦର ନୃତ୍ୟ କରିବା ସହ ଭାଇଜାନଙ୍କୁ ‘ମୁନ୍ନି’ ଚରିତ୍ର ପାଇଁ କୃତଜ୍ଞତା ଜଣାଇଛନ୍ତି । ଆଜି ସେ ଯାହାବି ହୋଇପାରିଛନ୍ତି ସଲ୍ମାନଙ୍କ ପାଇଁ ବୋଲି ନିଜ ପୋଷ୍ଟ୍ରେ ଉଲ୍ଲେଖ କରିଛନ୍ତି । ହର୍ସାଳି ଏକ ଧଳା ଟପ୍ ଏବଂ ହଟ୍ ପ୍ୟାଣ୍ଟରେ ବହୁତ ସୁନ୍ଦର ଦେଖାଯାଉଛି । ତାଙ୍କର ଉଚ୍ଚତା ମଧ୍ୟ ବହୁତ ବଢ଼ିଯାଇଛି । ଏହି ଗୀତରେ ନାଚିବା ବେଳେ ସେ ଏକଦମ ଚମତ୍କାର ଦେଖା ଯାଉଛନ୍ତି ।
ଏହି ନୃତ୍ୟ ଭିଡିଓ ସେୟାର କରିବାବେଳେ ହର୍ସାଳି ମାଲହୋତ୍ରା ଲେଖିଛନ୍ତି, ‘‘ସଲମାନ ଖାନଙ୍କ ଗୀତ ମୋତେ ସବୁବେଳେ ଭିନ୍ନ ଆନନ୍ଦ ଦେଇଥାଏ । ମୁନ୍ନି ଚରିତ୍ର ପାଇଁ ମୋତେ ଚୟନ କରିଥିବାରୁ ଆପଣଙ୍କୁ ବହୁତ ଧନ୍ୟବାଦ । ଆଜି ମୁଁ ଯାହା ବି ଅଛି ଆପଣଙ୍କ ହେତୁ । ଆପଣଙ୍କୁ ବହୁତ ଭଲପାଏ ସଲମାନ ଖାନ ସା ।ର୍’’
Comments are closed.