ମୁମ୍ବାଇ: ଟିଭିର ଅନ୍ୟତମ ଲୋକପ୍ରିୟ ଧାରାବାହିକ ହେଉଛି ‘ବାଳିକା ବଧୁ’ । ଏଥିରେ ଆନନ୍ଦୀ ଭୂମିକାରେ ଅଭିନୟ କରିଥିବା ତୋରାଲ ରସପୁତ୍ର ଘରେ ଘରେ ବେଶ୍ ପରିଚିତ ହୋଇଥିଲେ । ତାଙ୍କର ନିଖୁଣ ଅଭିନୟକୁ ଲୋକେ ଖୁବ୍ ପସନ୍ଦ ବି କରିଥିଲେ ।
ବାଳିକା ବଧୁ ଧାରାବାହିକରେ ୩ ଜଣ ଅଭିନେତ୍ରୀ ଆନନ୍ଦୀ ଭୂମିକାରେ ନଜର ଆସିଥିଲେ । ପ୍ରଥମେ ଆନନ୍ଦୀ ଭୂମିକାରେ ଶିଶୁ କଳାକାର ଅଭିକା ଗୌର ଅଭିନୟ କରିଥିଲେ । ପରେ ପ୍ରତ୍ୟୁଷା ବାନାର୍ଜୀ ଆନନ୍ଦୀ ଭୂମିକାରେ ନଜର ଆସିଥିଲେ । ସେ କୌଣସି କାରଣରୁ ଶୋ ଛାଡ଼ିବା ପରେ ଆନନ୍ଦୀ ଚରିତ୍ରରେ ତୋରାଲ ରସପୁତ୍ରଙ୍କୁ ଦେଖିବାକୁ ମିଳିଥିଲା । ଏହି ଧାରାବାହିକ ହିଁ ତାଙ୍କୁ ବେଶୀ ଲୋକପ୍ରିୟ କରିପାରିଥିଲା ।
ପରେ ତୋରାଲ ‘ବିଗ୍ ବସ୍ ସିଜିନ ୬’, ‘ବକ୍ସ କ୍ରିକେଟ୍ ଲିଗ୍ ୨’ ଏବଂ ‘କେସରିଆ ବାଲାମ୍ ଆଓ ହମାରେ ଦେସ୍’, ‘ମଧୁବାଲା – ଏକ ଇଶ୍କ୍ ଏକ ଜୁନୁନ୍’, ‘ଉତରନ୍’, ‘ରଙ୍ଗରସିଆ’ ଭଳି ଅନେକ ଧାରାବାହିକରେ ଅଭିନୟ କରି ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ।
ଏତେଗୁଡ଼ିଏ ଧାରାବାହିକରେ ଅଭିନୟ କରିଥିଲେ ମଧ୍ୟ ଏବେ ତାଙ୍କୁ କୌଣସି ଧାରାବାହିକରେ ଦେଖିବାକୁ ମିଳୁନି । କାରଣ ତାଙ୍କୁ କାମ ମିଳୁନାହିଁ । କିନ୍ତୁ ସୋସିଆଲ ମିଡିଆରେ ଖୁବ୍ ସକ୍ରିୟ ଅଛନ୍ତି ସେ । ତୋରାଲ ୨୦୧୨ ମସିହାରେ ବ୍ୟବସାୟୀ ଧାୱାଲଙ୍କୁ ବିବାହ କରିଥିଲେ । ତାଙ୍କ ବିବାହ ବେଶୀ ଦିନ ତିଷ୍ଠି ପାରି ନ ଥିଲା । ବିବାହର ମାତ୍ର ୬ ବର୍ଷ ପରେ ସେମାନେ ଛାଡପତ୍ର ହୋଇଥିଲେ ।
Comments are closed.