ଦୁବାଇ : ଆଜି ଆଇପିଏଲରେ ଆରସିବି ଓ ଏସଆରଏଚ୍ ମଧ୍ୟରେ ଅନୁଷ୍ଠିତ ମ୍ୟାଚରେ ବେଙ୍ଗାଲୋର ବାଜି ମାରି ନେଇଛି । ଆଉ କ୍ରିକେଟର ଯୁଗଭେନ୍ଦ୍ର ଚହଲ ୪ ଓଭରରେ ୧୮ ରନ ବଦଳରେ ତିନିଟି ୱିକେଟ୍ ନେଇଥିଲେ । ତାଙ୍କୁ ଆଜିର ମ୍ୟାଚରେ ମ୍ୟାନ ଅଫ୍ ଦି ମ୍ୟାଚ୍ ଘୋଷଣା କରାଯାଇଛି ।
ଆଜି ପ୍ରଥମେ ଟସ୍ ଜିତି ହାଇଦ୍ରାବାଦ ବୋଲିଂ ନିଷ୍ପତ୍ତି ନେଇଥିଲା । ଦଳ ପକ୍ଷରୁ ପାଦିକିଲ, ଡିଭିଲିଅର୍ସ ଧୁଆଁଧାର ବ୍ୟାଟିଂ କରିଥିଲେ । ପାଦିକିଲ ୫୬ ରନ କରିଥିବା ବେଳେ ଡିଭିଲିଅର୍ସ ଦୁଇଟି ଛକା ସହ ୫୧ ରନ କରିଥିଲେ । ଏଥିସହ ହାଇଦ୍ରାବାଦକୁ ଦଳ ୧୬୪ରନର ବିଜୟ ଲକ୍ଷ୍ୟ ଦେଇଥିଲା ।
ହାଇଦ୍ରାବାଦ ଟିମ୍ ପକ୍ଷରୁ ବେୟାର ଷ୍ଟ୍ରୋ ୬୧ ରନ କରିପାରିଥିଲେ । ଚହଲ ଗୋଟିଏ ଓଭରରେ ଦୁଇଟି ୱିକେଟ୍ ନେବା ପରେ ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଦଳ ୯ ଟି ୱିକେଟ୍ ହରାଇ କରିପାରିଥିଲା ମାତ୍ର ୧୫୪ ରନ କରିଥିଲା । ଆଉ ୧୦ ରନରେ ବିଜୟ ହାସଲ କରିନେଇଥିଲା ଆରସିବି ।