ଢାକା: ବାଂଲାଦେଶ ନିର୍ବାଚନ ପୂର୍ବରୁ ଆଉ ଜଣେ ହିନ୍ଦୁ ଯୁବକଙ୍କୁ ହତ୍ୟା କରାଯାଇଛି। ଫେବୃଆରୀ ୧୧ ରାତିରେ ବାଂଲାଦେଶର ମୌଲଭିବଜାର ଜିଲ୍ଲାର କମଲଗଞ୍ଜ ଉପଖଣ୍ଡ ଅଞ୍ଚଳରେ ଏକ ଚା ବଗିଚାରୁ ୨୮ ବର୍ଷୀୟ ହିନ୍ଦୁ ଯୁବକ ରତନ ସାହୁକରଙ୍କ ମୃତଦେହ ଉଦ୍ଧାର କରାଯାଇଛି
ପୋଲିସ ରିପୋର୍ଟ କରିଛି ଯେ ତାଙ୍କ ହାତ ଗୋଡ ବନ୍ଧା ହୋଇଥିଲା ଏବଂ ତାଙ୍କ ଶରୀରରେ ଗୁରୁତର ଆଘାତ ଲାଗିଥିଲା। ଏହି ଘଟଣା ନିର୍ବାଚନ ହିଂସା ଏବଂ ସଂଖ୍ୟାଲଘୁଙ୍କ ଉପରେ ଆକ୍ରମଣର ବଢ଼ୁଥିବା ଭୟକୁ ଆହୁରି ବଢ଼ାଇ ଦେଇଛି।ସ୍ଥାନୀୟ ଲୋକମାନେ ଗତକାଲି ସକାଳ ୧୦ଟା ସମୟରେ ଚମ୍ପାର ଚା ବଗିଚାରେ ରତନଙ୍କ ମୃତଦେହ ଠାବ କରି ତୁରନ୍ତ ପୁଲିସକୁ ଖବର ଦେଇଥିଲେ।
ମୃତଦେହ ରକ୍ତରେ ଜୁଡୁବୁଡୁ ଥିଲା ଏବଂ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ହୋଇଥିଲା। କମଲଗଞ୍ଜ ଥାନା ପ୍ରଭାରୀ ଅବଦୁଲ ଆୱାଲ ନିଶ୍ଚିତ କରିଛନ୍ତି ଯେ ମୃତକ ରତନ ସାହୁକର, ସେହି ବଗିଚାରେ ଜଣେ ଶ୍ରମିକ ଏବଂ ଇସଲାମପୁର ୟୁନିଅନ ସହିତ ଜଡିତ ଥିଲେ।
Comments are closed.