ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଥିବା ବରମୁଣ୍ଡା ଆନ୍ତଃରାଜ୍ୟ ବସ୍ ଟର୍ମିନାଲ ଅକ୍ଟୋବରରେ ଆରମ୍ଭ ହେବାକୁ ଯାଉଛି। ଏହି ଟର୍ମିନାଲ ଏବେ ନିର୍ମାଣାଧୀନ ଥିବା ବେଳେ ୯୦%ରୁ ଅଧିକ କାମ ଶେଷ ହୋଇଛି।
ଆଇଏସବିଟି ରାଜ୍ୟର ସର୍ବବୃହତ ବସ୍ ଟର୍ମିନାଲ ହେବ, ଯେଉଁଥିରେ ୫୦୦ରୁ ଅଧିକ ବସ୍ ରହିବା ସହ ଦୈନିକ ହଜାର ହଜାର ଯାତ୍ରୀଙ୍କୁ ସେବା ଯୋଗାଇ ଦିଆଯିବ। ଏହାକୁ ପବ୍ଲିକ୍ ପ୍ରାଇଭେଟ୍ ପାର୍ଟନରସିପ୍ ମଡେଲ୍ ମାଧ୍ୟମରେ ପରିଚାଳିତ କରାଯିବ।
ଏହି ଟର୍ମିନାଲରେ ଫୁଡ୍ କୋର୍ଟ, ବିଶ୍ରାମାଗାର, ପାର୍କିଂ ସ୍ଥାନ ସମେତ ଅନେକ ଅତ୍ୟାଧୁନିକ ସୁବିଧା ରହିବ। ଏଥିସହିତ ଏହି ଅଞ୍ଚଳରେ ଟ୍ରାଫିକ୍ ବ୍ୟବସ୍ଥାକୁ ସୁବ୍ୟବସ୍ଥିତ କରିବା ପାଇଁ ବ୍ୟବସ୍ଥା କରାଯିବ।
ଏବେ ଖଣ୍ଡଗିରି ପାହାଡ ନିକଟରେ ଅସ୍ଥାୟୀ ଭାବେ ବସ ଚଳାଚଳ କରୁଛି। ଆଇଏସବିଟି ପରିଚାଳିତ ହେବା ପରେ ସେଠାରୁ ବସ୍ ଚଳାଚଳ ଆରମ୍ଭ ହେବ।
ଆଇଏସବିଟିରେ ପ୍ରବେଶ ଓ ପ୍ରସ୍ଥାନ କରୁଥିବା ବସ୍ଗୁଡ଼ିକ ପାଇଁ କର୍ତ୍ତୃପକ୍ଷ ବ୍ୟାପକ ଟ୍ରାଫିକ୍ ଯୋଜନା ପ୍ରସ୍ତୁତ କରିଛନ୍ତି। ଏହି ଯୋଜନାରେ କଟକ ପଟୁ ଆସୁଥିବା ବସ୍ଗୁଡ଼ିକ ଖଣ୍ଡଗିରି ଛକରେ ୟୁ-ଟର୍ଣ୍ଣ ନେବା ପରେ ଆଇଏସବିଟିରେ ପହଞ୍ଚିବେ। ଖୋର୍ଦ୍ଧା ପଟୁ ଆସୁଥିବା ଲୋକଙ୍କୁ ସିଧାସଳଖ ଆଇଏସବିଟିରେ ପ୍ରବେଶର ସୁଯୋଗ ମିଳିବ। ଏହାବ୍ୟତୀତ, ଜାତୀୟ ରାଜପଥ-୧୬ରୁ ଟର୍ମିନାଲ ଯାଏଁ ପ୍ରବେଶ ପଥକୁ ପ୍ରଶସ୍ତ କରାଯାଇଛି।
ବରମୁଣ୍ଡା ଆଇଏସବିଟିରେ କାର୍ୟ୍ୟ ଆରମ୍ଭ ହେଲେ ଭୁବନେଶ୍ୱରରେ ସାଧାରଣ ପରିବହନ ବ୍ୟବସ୍ଥାକୁ ଅଧିକ ପ୍ରୋତ୍ସାହନ ମିଳିବ। ସହରକୁ ଯିବା ଆସିବା କରିବା ଲୋକଙ୍କ ପାଇଁ ସହଜ ହେବ, ଟ୍ରାଫିକ୍ ସମସ୍ୟା ମଧ୍ୟ କମିବ।
Comments are closed.