ମୁମ୍ବାଇ: ଏସିଆ କପ୍ ୨୦୨୩ ପାକିସ୍ତାନରେ ଅନୁଷ୍ଠିତ ହେବାକୁ ଯାଉଛି, କିନ୍ତୁ ଟୁର୍ନାମେଣ୍ଟ ଆରମ୍ଭ ହେବାର ବର୍ଷକ ପୂର୍ବରୁ ଭାରତୀୟ ଦଳ ପାକିସ୍ତାନ ଯିବ କି ନାହିଁ ତାକୁ ନେଇ ଚର୍ଚ୍ଚା ଜୋର ଧରିଛି। ନିକଟରେ ଏହି ପ୍ରସଙ୍ଗ ଚର୍ଚ୍ଚାକୁ ଆସିଥିଲା। କିନ୍ତୁ ଭାରତ ଓ ପାକିସ୍ତାନ ମ୍ୟାଚ ପରେ ପ୍ରସଙ୍ଗ ଥଣ୍ଡା ପଡିଯାଇଥିଲା। ଏବେ କିନ୍ତୁ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉପରେ ଆକ୍ରମଣ ପରେ ଏହି ପ୍ରସଙ୍ଗ ପୁଣି ଥରେ ଏକ ପ୍ରସଙ୍ଗ ପାଲଟିଛି। ବର୍ତ୍ତମାନ ବିସିସିଆଇର ନୂତନ ସଭାପତି ରୋଜର ବିନ୍ନି ଏହି ପ୍ରସଙ୍ଗରେ ନିଜର ବିବୃତ୍ତି ରଖିଛନ୍ତି। ବିନ୍ନି ସ୍ପଷ୍ଟ ଭାବେ କହିଛନ୍ତି ଯେ ଭାରତ ପାକିସ୍ତାନ ଯିବ କି ନାହିଁ ତାହା ବିସିସିଆଇ ଉପରେ ନିର୍ଭର କରେ ନାହିଁ।
ଟି-୨୦ ବିଶ୍ୱକପ ୨୦୨୨ରେ ଭାରତ ବନାମ ପାକିସ୍ଥାନ ମ୍ୟାଚ ପୂର୍ବରୁ ଏହି ପ୍ରସଙ୍ଗ ସେତେବେଳେ ସାମ୍ନାକୁ ଆସିଥିଲା ଯେତେବେଳେ ବିସିସିଆଇ ସଚିବ ଜୟ ଶାହା କହିଥିଲେ ଯେ ଭାରତୀୟ ଦଳ ଏସିଆ କପ ପାଇଁ ପାକିସ୍ତାନ ଯିବ ନାହିଁ।
ଶୁକ୍ରବାର ଚେନ୍ନାଇରେ ଏକ କାର୍ଯ୍ୟକ୍ରମରେ ରୋଜର ବିନ୍ନି ଯୋହ ଦେବା ସମୟରେ ସାମ୍ବାଦିକମାନେ ପଚାରିଥିଲେ କି ଭାରତୀୟ ଦଳ ଏସିଆ କପ୍ ୨୦୨୩ ପାଇଁ ପାକିସ୍ତାନ ଯିବ କି? ଏହି ପ୍ରଶ୍ନର ଉତ୍ତରରେ ସେ କହିଛନ୍ତି, ‘ଏହା ବିସିସିଆଇର ହାତରେ ନାହିଁ। ଏହାର ନିଷ୍ପତ୍ତି ସରକାର ନେବେ, ସେମାନେ ଏହାର ଅନୁମୋଦନ ଦେବେ।
ଜୟ ଶାହଙ୍କ ବିବୃତ୍ତି ପରେ ପାକିସ୍ତାନ ଏବଂ ଭାରତର ଭେଟେରାନ୍ ଖେଳାଳିମାନେ ଏହି ପ୍ରସଙ୍ଗରେ ନିଜ ନିଜର ମତ ରଖିଛନ୍ତି। ଅନେକ ପୂର୍ବତନ ପାକିସ୍ତାନୀ ଖେଳାଳି ଏପରିକି କହିଥିଲେ ଯେ ଯଦି ଭାରତ ପାକିସ୍ତାନକୁ ଆସିବ ନାହିଁ, ତେବେ ପାକିସ୍ତାନ ଭାରତ ଗସ୍ତରେ ଯାଇ ଟି -୨୦ ବିଶ୍ୱକପରେ ସେମାନଙ୍କ ବିପକ୍ଷରେ ଖେଳିବା ଉଚିତ ନୁହେଁ।
