ନୂଆଦିଲ୍ଲୀ: କ୍ରିକେଟପ୍ରେମୀଙ୍କ ପାଇଁ ଖୁସି ଖବର । ଆଇପିଏଲର ଆଗାମୀ ସଂସ୍କରଣରେ ଦର୍ଶକମାନେ ଷ୍ଟାଡିୟମରେ ମ୍ୟାଚ ଉପଭୋଗ କରିପାରିବେ । ମାର୍ଚ୍ଚ ୨୬ରୁ ଆରମ୍ଭ ହେବାକୁ ଯାଉଥିବା ଏହି ୬୫ ଦିନିକିଆ ଲୋକପ୍ରିୟ ଟୁର୍ଣ୍ଣାମେଂଟରେ ମୋଟ ୭୦ ମ୍ୟାଚ ଖେଳାଯିବ । ମୁମ୍ବାଇରେ ୫୫ ଓ ପୁଣେରେ ୧୫ ମ୍ୟାଚ ଖେଳାଯିବ । ପ୍ରାଥମିକ ପର୍ଯ୍ୟାୟରେ ୨୫ ପ୍ରତିଶତ ଦର୍ଶକଙ୍କୁ ମ୍ୟାଚ ଦେଖିବା ପାଇଁ ଅନୁମତି ମିଳିବ ।
ଏହା ପରେ ପରିସ୍ଥିତିକୁ ଦେଖି ଦର୍ଶକଙ୍କ ସଂଖ୍ୟା ବଢ଼ାଯିବ ବୋଲି ବିସିସିଆଇ ପକ୍ଷରୁ କୁହାଯାଇଛି । ଉଦଘାଟନୀ ମ୍ୟାଚ ଚାମ୍ପିୟନ ଚେନ୍ନାଇ ସୁପର କିଙ୍ଗସ ଓ ରନର୍ସଅପ କୋଲକାତା ନାଇଟ ରାଇଡର୍ସ ମଧ୍ୟରେ ଖେଳାଯିବ । ମ୍ୟାଚକୁ ଷ୍ଟାଡିୟମରେ ଉପଭୋଗ କରିବା ପାଇଁ ଦର୍ଶକମାନେ ଟିକେଟ କିଣିବା ଆରମ୍ଭ କରିଛନ୍ତି ।
Comments are closed.