କୋଲକାତା: ସ୍ଥାନୀୟ ଇଡେନଗାର୍ଡେନରେ ଚାଲିଥିବା ରଣଜୀ ଟ୍ରଫି କ୍ରିକେଟର ଫାଇନାଲରେ ସୌରାଷ୍ଟ୍ର ସୁବିଧାଜନକ ସ୍ଥିତିରେ ରହିଛି । ତୃତୀୟ ଦିବସ ଖେଳ ଶେଷ ସୁଦ୍ଧା ବେଙ୍ଗଲ ବିପକ୍ଷରେ ଦଳ ଏବେ ବି ୬୧ ରନରେ ଆଗୁଆ ରହିଛି । ବେଙ୍ଗଲର ପ୍ରଥମ ଇନିଂସ ସ୍କୋର ୧୭୪ ରନ ଜବାବରେ ସୌରାଷ୍ଟ୍ର ୪୦୪ ରନ କରି ଅଲଆଉଟ ହୋଇଥିଲା । ହାର୍ଭିକ ଦେଶାଇ (୫୦), ଶେଲଡନ ଜ୍ୟାକଶନ (୫୯), ଅର୍ପିତ ଭାସାଭାଡା (୮୧) ଓ ଚିରାଗ ସୈନୀ(୬୦) ଅର୍ଦ୍ଧଶତକ ହାସଲ କରିଥିଲେ । ବେଙ୍ଗଲର ମୁକେଶ କୁମାର ସର୍ବାଧିକ ୪ଟି ୱିକେଟ ଅକ୍ତିଆର କରିଥିଲେ । ୨୩୦ ରନରେ ପଛୁଆ ଥିବା ବେଙ୍ଗଲ ଦ୍ୱିତୀୟ ଇନିଂସରେ ଷ୍ଟମ୍ପସ ଅପସାରଣ ବେଳକୁ ୪ ୱିକେଟ ବିନିମୟରେ ୧୬୯ ରନ ସଂଗ୍ରହ କରିଛି ।
ଅଧିନାୟକ ମନୋଜ ତିୱାରୀ ୫୭ ଏବଂ ଶାହାବାଜ ଅହମ୍ମଦ ୧୩ ରନ କରି ଅପରାଜିତ ରହିଛନ୍ତି । ସୌରାଷ୍ଟ୍ର ତରଫରୁ ଜୟଦେବ ଉନାଡକଟ ଓ ଚେତନ ସାକାରିୟା ୨ଟି ଲେଖାଁଏ ୱିକେଟ ଅକ୍ତିଆର କରିଛନ୍ତି । ଘରୋଇ ପରିବେଶରେ ପ୍ରଥମ ଇନିଂସରେ ଖରାପ ବ୍ୟାଟିଂ ପ୍ରଦର୍ଶନ କରିବା ବେଙ୍ଗଲ ପାଇଁ ମହଙ୍ଗା ସାବ୍ୟସ୍ତ ହୋଇଛି ।
Comments are closed.