ବ୍ରହ୍ମପୁର: ବ୍ରହ୍ମପୁର ସହର ବୈଦ୍ୟନାଥପୁର ଥାନା ଅନ୍ତର୍ଗତ ଆଙ୍କୁଲି ବାରିବନ୍ଧ ସ୍ଥିତ ଗଣେଶ ନଗରସ୍ଥିତ ଏକ ଘରେ ଚାଲିଥିବା ଜୁଆ ଆଡ୍ଡା ଉପରେ ସୋମବାର ପୋଲିସ ଚଢ଼ଉ କରିଛି । ୨୧ଜୁଆଡ଼ିଙ୍କୁ ଗିରଫ କରିବା ସହ ସେମାନଙ୍କ ପାଖରୁ ନଗଦ ୪ଲକ୍ଷ ୯୯ହଜାର ୪୨୦ ଟଙ୍କା ଜବତ କରାଯାଇଛି । ଏଥି ସହିତ ୨୩ଟି ମୋବାଇଲ, ଏଲଇଡ଼ି ଟିଭି, କମ୍ପ୍ୟୁଟର, ହୋମ ଥିଏଟର୍ ସହ ଅନ୍ୟାନ୍ୟ ସାମଗ୍ରୀ ମଧ୍ୟ ଜବତ ହୋଇଛି। ବ୍ରହ୍ମପୁର ଟାଉନ ଏସଡିପିଓ ରାଜୀବ ଲୋଚନ ପଣ୍ଡାଙ୍କ ତ୍ୱତ୍ତାବଧନରେ ଥାନା ଅଧିକାରୀ ରାମ କୁମାର ମୁର୍ମୁ ଏବଂ ପୋଲିସର ଏକ ଟିମ୍ ଏହି ଚଢ଼ଉରେ ସାମିଲ ଥିଲା । ଏହି ଜୁଆ ଖେଳିବା ପାଇଁ ବାହାର ରାଜ୍ୟରୁ ଅନେକ ଜୁଆଡ଼ି ବ୍ରହ୍ମପୁରକୁ ଆସି ଏଠାରେ ରହୁଥିବା ନେଇ ପୋଲିସ ପାଖରେ ସୂଚନା ପହଞ୍ଚିଥିଲା । ସୂଚନା ମିଳିବା ପରେ ପୋଲିସ ପକ୍ଷରୁ ଏହି ଚଢ଼ଉ ହୋଇଛି।
Comments are closed.