ଉଦ୍ଧମପୁର: ପ୍ରଧାନମନ୍ତ୍ରୀ ମୋଦୀଙ୍କ ବିଗ୍ ଫ୍ୟାନ୍। ମୋଦୀଙ୍କୁ ଭେଟିବା ଲାଗି ଫାହିମ ନାଜିର ଶାହା ଶ୍ରୀନଗରରୁ ଦିଲ୍ଲୀ ଚାଲି ଚାଲି ଆସିଛନ୍ତି। ସେ ଏହା ଆଶା ମଧ୍ୟ କରିଛନ୍ତି ଯେ ସୁଦୂରରୁ ପ୍ରାୟ ୮୧୫ କିଲୋମିଟର ଯାତ୍ରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟି ଆକର୍ଷଣ କରିବ ଏବଂ ସେ ତାଙ୍କୁ ଭେଟିବାର ସୁଯୋଗ ପାଇବେ।
ଜାମ୍ମୁ କାଶ୍ମୀରର ଶ୍ରୀନଗରରେ ପାର୍ଟ ଟାଇମ୍ ଇଲେକ୍ଟ୍ରିକାଲ୍ ଭାବରେ କାର୍ଯ୍ୟ କରୁଥିବା ୨୮ ବର୍ଷୀୟ ଯୁବକ ଫାହିମ କହିଛନ୍ତି ଯେ ମୁଁ ପ୍ରଧାନମନ୍ତ୍ରୀ ମୋଦୀଙ୍କର ଜଣେ ବହୁତ ବଡ଼ ପ୍ରଶଂସକ।
ଫାହିମ୍ ଏହା ବିଶ୍ୱାସ କରନ୍ତି ଯେ ଏହି କଷ୍ଟଦାୟକ ଯାତ୍ରା ଶେଷରେ ପ୍ରଧାନମନ୍ତ୍ରୀଙ୍କୁ ଭେଟିବାର ସ୍ୱପ୍ନ ପୂରଣ କରିବ।
ଶାହା କହିଛନ୍ତି ଯେ ସେ ଗତ ଚାରି ବର୍ଷ ମଧ୍ୟରେ ସୋସିଆଲ ମିଡିଆରେ ପ୍ରଧାନମନ୍ତ୍ରୀଙ୍କୁ ଅନୁସରଣ କରୁଛନ୍ତି ଏବଂ ତାଙ୍କର ଭାଷଣ ଏବଂ କାର୍ଯ୍ୟ ମୋ ହୃଦୟକୁ ସ୍ପର୍ଶ କରିଛି।
ଶାହା କହିଛନ୍ତି ଯେ ଗତ ଅଢେଇ ବର୍ଷ ମଧ୍ୟରେ ସେ ଦିଲ୍ଲୀରେ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବା ପାଇଁ ଅନେକ ଚେଷ୍ଟା କରିଛନ୍ତି। ସେ କହିଛନ୍ତି ଯେ କାଶ୍ମୀରରେ ପ୍ରଧାନମନ୍ତ୍ରୀଙ୍କ ଶେଷ ଗସ୍ତ ସମୟରେ ସୁରକ୍ଷା କର୍ମୀମାନେ ମୋତେ ସାକ୍ଷାତ କରିବାକୁ ଦେଇନଥିଲେ। ଶାହା କହିଛନ୍ତି ଯେ ଏଥର ମୁଁ ନିଶ୍ଚିତ ଯେ ପ୍ରଧାନମନ୍ତ୍ରୀଙ୍କୁ ଭେଟିବାର ସୁଯୋଗ ପାଇବି।