ଭୁବନେଶ୍ୱର: ଖୋଲିଛି ଇଭିଏମ୍ ପେଡ଼ି । ବାଲେଶ୍ୱର ସଦର ଓ ତିର୍ତ୍ତୋଲ ବିଧାନସଭା ଉପନିର୍ବାଚନ ଭୋଟ ଗଣତି ଜାରି ରହିଛି । ପ୍ରଥମ ରାଉଣ୍ଡ ପୋଷ୍ଟାଲ ବାଲାଟ ଗଣତିରେ ବାଲେଶ୍ୱରରେ ଆଗରେ ବିଜେଡି ରହିଛି । ବିଜେଡି ପ୍ରାର୍ଥୀ ସ୍ୱରୂପ ଦାସ ୬୧୫ ଖଣ୍ଡ ଭୋଟରେ ଆଗରେ ରହିଛନ୍ତି ।
ସ୍ୱରୂପ ଦାସଙ୍କୁ ୩ ହଜାର ୪୫୯ ଭୋଟ୍ ମିଳିଥିବା ବେଳେ ବିଜେପି ପ୍ରାର୍ଥୀ ମାନସ ଦତ୍ତଙ୍କୁ ୨ ହଜାର ୮୪୪ ଓ କଂଗ୍ରେସ ପ୍ରାର୍ଥିନୀ ମମତା କୁଣ୍ଡୁଙ୍କ ଖାତାରେ ପଡ଼ିଛି ୫୨୩ ଖଣ୍ଡ ଭୋଟ୍ ।
ତିର୍ତ୍ତୋଲରେ ବି ସରିଛି ପୋଷ୍ଟାଲ ବାଲାଟ ଗଣତି । ବିଜେଡି ପ୍ରାର୍ଥୀ ବିଜୟ ଶଙ୍କର ଦାସ ୧୦୮୭ ଭୋଟରେ ଆଗୁଆ ରହିଛନ୍ତି । ବିଜେଡିକୁ ମିଳିଛି ୩ ହଜାର ୮୫୨ ଭୋଟ୍ । ବିଜେପି ଖାତାରେ ୨ ହଜାର ୭୭୪ ଭୋଟ୍ ପଡିଥିବା ବେଳେ କଂଗ୍ରେସକୁ ୪୪୨ ଖଣ୍ଡ ଭୋଟ ମିଳିଛି ।