କଟକ ମହାନଗର ନିଗମରେ ମେୟର ହେଲେ ବିଜେଡି ପ୍ରାର୍ଥୀ ସୁବାସ ସିଂ

କଟକ : କଟକରେ ମେୟର ଭାବେ ନିର୍ବାଚିତ ହୋଇଛନ୍ତି ବିଜେଡି ପ୍ରାର୍ଥୀ ସୁବାସ ସିଂ । ବିଜେପି ଓ କଂଗ୍ରେସଙ୍କୁ ପଛରେ ପକାଇ ବିଜୟ ହାସଲ କରିଛନ୍ତି ବେଜେଡି ପ୍ରାର୍ଥୀ । ୪୫ ହଜାର ୨ଶହ ୬ ଖଣ୍ଡ ଅଧିକ ଭୋଟରେ ବିଜେଡି ପ୍ରାର୍ଥୀ ସୁବାସ ସିଂ ବିଜୟ ହାସଲ କରିଛନ୍ତି ।

ବିଜେଡି ପ୍ରାର୍ଥୀ ସୁବାସ ସିଂଙ୍କୁ ୧ଲକ୍ଷ ୧୩ ହଜାର ୫ଶହ ୬୨ ଖଣ୍ଡ ଭୋଟ ମିଳିଛି । କଂଗ୍ରେସ ପ୍ରାର୍ଥୀ ଗିରିବାଳା ବେହେରାଙ୍କୁ ୬୮ ହଜାର ୩ଶହ ୫୬ ଖଣ୍ଡ ଭୋଟ ମିଳିଛି । ବିଜେପି ପ୍ରାର୍ଥୀ ଶ୍ରୀତମ ଦାସ ୪୯ ହଜାର ୨ଶହ ୨୩ ଖଣ୍ଡ ଭୋଟ ପାଇଛନ୍ତି ।ନିର୍ବାଚନ ଜିତିବା ପରେ ପ୍ରତିକ୍ରିୟା ରଖିଛନ୍ତି ସୁବାସ ସିଂ ।

ସେ କହିଛନ୍ତି କଟକ ବାସୀଙ୍କ ହୃଦୟରେ ନବୀନ ବାବୁ ଅଛନ୍ତି । କଟକ ବାସୀ ନବୀନ ବାବୁଙ୍କୁ ଭଲ ପାଇବା ଦେଇ ମୋ ଦାୟିତ୍ୱ ବଢାଇଦେଇଛନ୍ତି ।ନିଷ୍ଠାର ସହ କାମ କରିବି ବୋଲି କଟକ ନବ ନିର୍ବାଚିତ ମେୟର ସୁବାସ ସିଂ କହିଛନ୍ତି ।