ପିଏମ ମୋଦୀଙ୍କ କାର୍ଯ୍ୟକ୍ରମରେ ରାଜସ୍ଥାନ ମୁଖ୍ୟମନ୍ତ୍ରୀଙ୍କ କାର୍ଯ୍ୟସୂଚି ବାଦ୍, ଟ୍ୱିଟ୍ ଯୋଗେ ଅଭିଯୋଗ କଲେ ଗେହଲଟ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାଜସ୍ଥାନ ଗସ୍ତରେ ଅଛନ୍ତି। ସିକରଠାର ଆୟୋଜିତ ଏକ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ପିଏମ କିଷାନ ସମ୍ମାନ ଯୋଜନାର ରାଶି ଉନ୍ମୋଚନ କରିଛନ୍ତି। ଏହା ବ୍ୟତୀତ ସେ ଅନେକ ବିକାଶମୂଳକ ଯୋଜନାର ମୂଳଦୁଆ ପକାଇ ଏହାକୁ ଉଦ୍ଘାଟନ କରିବେ। ତେବେ ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଭାଷଣକୁ ନେଇ ବିବାଦ ଉପୁଜିଛି। ଶୋକ ଗେହଲଟଙ୍କ ଟ୍ୱିଟକୁ ନେଇ ଚର୍ଚ୍ଚା ଜୋର ଧରିଛି। ମୁଖ୍ୟମନ୍ତ୍ରୀ କହିଛନ୍ତି ଯେ ପିଏମଓ ତାଙ୍କର ତିନି ମିନିଟର ଭାଷଣକୁ କାର୍ଯ୍ୟକ୍ରମରୁ ହଟାଇ ଦେଇଛନ୍ତି। ମୁଖ୍ୟମନ୍ତ୍ରୀଙ୍କ ଏହି ବିବୃତ୍ତିରେ ବିଜେପି ନେତାମାନେ ତାଙ୍କ ଉପରେ ଆକ୍ରମଣ କରିଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଉଦବୋଧନ ଦେବା କାର୍ଯ୍ୟସୂଚୀ ବାଦ୍ ପଡ଼ିଥିବାରୁ ସେ ଏହି ଟ୍ୱିଟ୍ କରିଛନ୍ତି। ମୁଖ୍ୟମନ୍ତ୍ରୀ ଗେହଲଟଙ୍କ ଏକ ଅଭିମାନ ଓ କ୍ଷୋଭ ଭରା ଟ୍ୱିଟ୍ ଦେଖିବାକୁ ମିଳିଛି। ଯାହାକୁ ନେଇ ଏବେ ଜୋରଦାର ଆଲୋଚନା ଚାଲିଛି। ମୁଖ୍ୟମନ୍ତ୍ରୀ ଅଶୋକ ଗେହଲଟ ଟୁଇଟ୍‌ରେ କହିଛନ୍ତି ଯେ, “ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଆପଣ ରାଜସ୍ଥାନ ଗସ୍ତ କରୁଛନ୍ତି। ଆପଣଙ୍କ ଅଫିସ୍ ପିଏମଓ ମୋର ପୂର୍ବ ନିର୍ଦ୍ଧାରିତ ତିନି ମିନିଟର ସମ୍ବୋଧନ କାର୍ଯ୍ୟକ୍ରମରୁ ହଟାଇ ଦେଇଛନ୍ତି। ତେଣୁ ମୁଁ ଆପଣଙ୍କ ଭାଷଣ ମାଧ୍ୟମରେ ସ୍ୱାଗତ କରିପାରିବି ନାହିଁ, ତେଣୁ ମୁଁ ଏହି ଟୁଇଟ୍ ମାଧ୍ୟମରେ ଆପଣଙ୍କୁ ରାଜସ୍ଥାନକୁ ସ୍ୱାଗତ କରୁଛି।”

ମୁଖ୍ୟମନ୍ତ୍ରୀଙ୍କ ଏହି ଟ୍ୱିଟର ଜବାବରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟୁଇଟ୍‌ରେ କୁହାଯାଇଛି ଯେ, “ପ୍ରୋଟୋକଲ ଅନୁଯାୟୀ ଆପଣଙ୍କୁ ନିମନ୍ତ୍ରଣ କରାଯାଇଛି। ଆପଣଙ୍କ ଭାଷଣ ମଧ୍ୟ ଧାର୍ଯ୍ୟ ହୋଇଛି, କିନ୍ତୁ ଆପଣଙ୍କ କାର୍ଯ୍ୟାଳୟ କହିଛି ଯେ ଆପଣ ଏଠାରେ ଉପସ୍ଥିତ ରହିପାରିବେ ନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗସ୍ତ ପୂର୍ବରୁ ଆପଣଙ୍କୁ ସବୁବେଳେ ନିମନ୍ତ୍ରଣ କରାଯାଇଛି। ଆପଣ ଉପସ୍ଥିତି ରହି ସେହି କାର୍ଯ୍ୟକ୍ରମଗୁଡ଼ିକୁ ମଧ୍ୟ ଅନୁଗ୍ରହ କରିଛନ୍ତି। ଆଜିର କାର୍ଯ୍ୟକ୍ରମରେ ଯୋଗଦେବାକୁ ଆପଣ ସ୍ୱାଗତ ଜଣାଉଛି। ଆପଣଙ୍କର ଉପସ୍ଥିତି ଆମ ପାଇଁ ବହୁତ ଗୁରୁତ୍ୱପୂର୍ଣ୍ଣ।”

Shri @ashokgehlot51 Ji,

In accordance with protocol, you have been duly invited and your speech was also slotted. But, your office said you will not be able to join.

During PM @narendramodi’s previous visits as well you have always been invited and you have also graced those… https://t.co/BHQkHCHJzQ

— PMO India (@PMOIndia) July 27, 2023

ଗେହଲଟଙ୍କ ଏହି ଟ୍ବିଟ ନେଇ କେନ୍ଦ୍ରୀୟ ଜଳ ଶକ୍ତି ମନ୍ତ୍ରୀ ଗଜେନ୍ଦ୍ର ସିଂ ଶେଖୱାତ ଏକ ଟୁଇଟରେ ପାଲଟା ଜବାବରେ କହିଛନ୍ତି ଯେ “ପ୍ରଧାନମନ୍ତ୍ରୀ ଆପଣଙ୍କୁ ନିମନ୍ତ୍ରଣ କରିଛନ୍ତି କିନ୍ତୁ ଆପଣ କହୁଛନ୍ତି ମୁଁ ଆସିପାରିବି ନାହିଁ ଏବଂ ଟ୍ୱିଟରେ ଆପଣଙ୍କ ଭାଷଣ ମଧ୍ୟ ରଖିଛନ୍ତି। ଏହା ଦର୍ଶାଏ ଯେ ଆପଣଙ୍କ ପରି ଜଣେ ଅଭିଜ୍ଞ ରାଜନେତା ମଧ୍ୟ ନିରାଶାରେ ଅପରିପକ୍ୱ ହୋଇପାରନ୍ତି। ଅତିଥିଙ୍କୁ ସ୍ୱାଗତ କରିବା ପାଇଁ ଆପଣ ରାଜସ୍ଥାନର ମହାନ ସଂସ୍କୃତି ଏବଂ ପରମ୍ପରାକୁ ମଧ୍ୟ ଅବମାନନା କରିଛନ୍ତି। ରାଜନୀତି ନୁହେଁ, ରାଜ୍ୟ ତଥା ଦେଶର ବିକାଶ ବଡ। ଗେହଲଟ ଜୀ ଆପଣ ରାଜସ୍ଥାନର ମୁଖ୍ୟମନ୍ତ୍ରୀ ଅଟନ୍ତି କଂଗ୍ରେସର ନୁହେଁ ଏବଂ ମୋଦୀ ଜୀ ଦେଶର ପ୍ରଧାନମନ୍ତ୍ରୀ ଅଟନ୍ତି ବିଜେପିର ନୁହେଁ।”

ଅନ୍ୟପକ୍ଷରେ ରାଜସ୍ଥାନ ବିଜେପି ମୁଖ୍ୟ ସିପି ଯୋଶୀ ତାଙ୍କ ଟୁଇଟ୍‌ରେ ଲେଖିଛନ୍ତି ଯେ “ପ୍ରଧାନମନ୍ତ୍ରୀ, ପ୍ରୋଟୋକଲ ଅନୁଯାୟୀ ଭୁଲ ତଥ୍ୟ ଉପସ୍ଥାପନ କରି ଆପଣ ରାଜ୍ୟବାସୀଙ୍କୁ କାହିଁକି ବିଭ୍ରାନ୍ତ କରିବାକୁ ଚାହୁଁଛନ୍ତି। ଆଜିର କାର୍ଯ୍ୟକ୍ରମରେ ଆପଣଙ୍କୁ ନିମନ୍ତ୍ରଣ କରାଯାଇଛି। ଆପଣଙ୍କ କାର୍ଯ୍ୟାଳୟ ଦ୍ୱାରା ପ୍ରତ୍ୟାଖ୍ୟାନ କରାଯାଇଛି।”