୪୦ ଫୁଟ ତଳକୁ ଖସିଲା କାର, ବିଜେପି ବିଧାୟକଙ୍କ ପୁଅ ସମେତ ୭ଜଣ ମେଡିକାଲ ଛାତ୍ରଙ୍କ ମୃତ୍ୟୁ

ମହାରାଷ୍ଟ୍ର : ମମ୍ମନ୍ତୁଦ ଦୁର୍ଘଟଣା ନେଲା ଛାତ୍ରଙ୍କ ଜୀବନ । ମହାରାଷ୍ଟ୍ରର ୱାର୍ଦ୍ଧା ପାଖ ଜାତୀୟ ରାଜପଥ ତୁଲଜାପୁର ସେଲସୁରାରେ ଭୟାବହ ଦୁର୍ଘଟଣା ଘଟିଛି । ଏହି ଦୁର୍ଘଟଣା ଏତେ ଭୟଙ୍କ ଥିଲା ଯେ ବିଜେପି ବିଧାୟକ ବିଜୟ ରାହଙ୍ଗଦେଲାଙ୍କ ପୁଅଙ୍କ ସମେତ ମେଡିକାଲ କଲେଜର ୭ ଜଣ ଛାତ୍ରଙ୍କ ମୃତ୍ୟୁ ହୋଇଯାଇଛି ।

ସୂଚନାଅନୁସାରେ ସମସ୍ତେ ମେଡିକାଲ କଲେଜର ଛାତ୍ରଥିଲେ । ବିଳମ୍ବିତ ରାତିରେ ଲଙ୍ଗ ଡ୍ରାଇଭରେ ଡ୍ରାଇଭରକୁ ନେଇ ବାହାରକୁ ବୁଲିବାକୁ ଯାଇଥିଲେ । ଡ୍ରାଇଭର ଜଣକ ଭାରସାମ୍ୟ ହରାଇବାରୁ ଦୁର୍ଘଟଣା ହୋଇ ଗାଡିଟି ୪୦ ଫୁଟ ତଳକୁ ଖସି ପଡିଥିଲା ବୋଲି ସ୍ଥାନୀୟ ପୋଲିସ ଅଧିକାରୀ ସୂଚନା ଦେଇଛନ୍ତି । କଣ୍ଟ୍ରୋଲ ରୁମରୁ ସୂଚନା ପାଇଥିଲୁ ଯାହା ପରେ ଆମେ ଘଟଣାସ୍ଥଳରେ ପହଞ୍ଚିଥିଲୁ ବୋଲି ସାୱାଙ୍ଗି ପୋଲିସର ସହକାରୀ ଇନ୍ସପେକ୍ଟର ବାବାସାହେବ ଥୋରାଟ କହିଛନ୍ତି । ପରେ ସମସ୍ତଙ୍କ ମୃତ ଦେହ ଉଦ୍ଧାର କରାଯାଇଥିଲା ।

ଏହି ଦୁର୍ଘଟଣାରେ ବିଜେପି ବିଧାୟକଙ୍କ ପୁଅ ଆବିଷ୍କାର ରାହଙ୍ଗଦେଲଙ୍କ ମୃତ୍ୟୁ ହୋଇଛି ।ପ୍ରଧାନମନ୍ତ୍ରୀ ମୋଦି ଏହି ଘଟଣାରେ ନେଇ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ ଅଢେଇ ଲକ୍ଷ ଟଙ୍କା ସହାୟତା ରାଶି ଘୋଷଣା କରିଛନ୍ତି ।