ତେଜସ୍ ଯୁଦ୍ଧ ବିମାନରେ ଉଡାଣ ଭରିଲେ ସାଂସଦ ତେଜସ୍ୱୀ ସୂର୍ଯ୍ୟ

ବେଙ୍ଗାଲୁରୁ: କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ଏରୋ ଇଣ୍ଡିଆର ୧୩ ତମ ସଂସ୍କରଣରେ ଯୁଦ୍ଧ ବିମାନ ଚମତ୍କାର ପ୍ରଦର୍ଶନ କରୁଛି। ଭାରତୀୟ ଜନତା ପାର୍ଟିର ସର୍ବ କନିଷ୍ଠ ସାଂସଦ ତେଜସ୍ୱୀ ସୂର୍ଯ୍ୟ ଗୁରୁବାର ଏରୋ ଇଣ୍ଡିଆ ଶୋ’ର ଦ୍ୱିତୀୟ ଦିନରେ ଏଠାକୁ ଉପସ୍ଥିତ ହୋଇଛନ୍ତି। ସେ ଭାରତରେ ନିର୍ମିତ ତେଜସ୍ ଯୁଦ୍ଧ ବିମାନରେ ଉଡାଣ ମଧ୍ୟ ଭରିଛନ୍ତି। ଏହି ସମୟ ମଧ୍ୟରେ ସେ ଏୟାରଫୋର୍ସ ପାଇଲଟଙ୍କ ପୋଷାକ ପିନ୍ଧିଥିବାର ଦେଖିବାକୁ ମିଳିଥିଲା। ତେଜସ୍ୱୀ ବାଙ୍ଗାଲୋର ଦକ୍ଷିଣ ଆସନରୁ ଲୋକସଭା ସାଂସଦ। ନିକଟରେ ତାଙ୍କୁ ଭାରତୀୟ ଜନତା ଯୁବ ମୋର୍ଚ୍ଚାର ସଭାପତି କରାଯାଇଥିଲା।