‘କଙ୍ଗୁଭା’ର ଫ୍ଲପ ପରେ ବବିଙ୍କ ବଡ ଘୋଷଣା, କହିବେନି ଆଉ ଖଳନାୟକ ଭୂମିକା

ମୁମ୍ବାଇ: ଗତ କିଛି ବର୍ଷ ମଧ୍ୟରେ ବବି ଦେଓଲ୍ ଏପରି ଭୂମିକାରେ ଅଭିନୟ କରିଛନ୍ତି ଯାହାକୁ ଦେଖି ଦର୍ଶକ ତାଙ୍କୁ ଏକ ଖଳନାୟକ ଭାବରେ ମାନି ସାରିଲେଣି l ୱେବ୍ ସିରିଜ୍ ଆଶ୍ରମ ପରେ ଗତ ବର୍ଷ ମୁକ୍ତିଲାଭ କରିଥିବା ‘ଆନିମଲ’ ଫିଲ୍ମରେ ଅବରାର ହକ ଚରିତ୍ରରେ ଅଭିନୟ କରିବା ପରେ ତାଙ୍କର ଖଳନାୟକ ଇମେଜ୍ ବେଶୀ ବୃଦ୍ଧି ହୋଇଥିଲା l ନିକଟରେ ବବିଙ୍କୁ ଫିଲ୍ମ ‘କଙ୍ଗୁଭା’ରେ ମଧ୍ୟ ଖଳନାୟକ ଭୂମିକାରେ ଦେଖିବାକୁ ମିଳିଥିଲା। କିନ୍ତୁ ଚଳଚ୍ଚିତ୍ରଟି ବକ୍ସ ଅଫିସରେ ଫ୍ଲପ ହୋଇଥିଲା l ଫିଲ୍ମର ଫ୍ଲପ ପରେ ଏକ ବଡ ନିଷ୍ପତି ନେଇଛନ୍ତି ଅଭିନେତା ବବି ଦେଓଲ l ସେ ଆଉ ଖଳନାୟକ ଭୂମିକାରେ ଅଭିନୟ କରିବେନି ବୋଲି ନିଷ୍ପତ୍ତି ନେଇଛନ୍ତି।

ବବି ଦେଓଲଙ୍କ ଅଭିନୀତ ‘କଙ୍ଗୁଭା’ ନିକଟରେ ମୁକ୍ତିଲାଭ କରିଥିଲା l ବକ୍ସ ଅଫିସରେ ଏହି ଚଳଚ୍ଚିତ୍ରଟି ସୁପର ଫ୍ଲପ୍ ହୋଇଥିଲା। 300-350 କୋଟି ଟଙ୍କା ବଜେଟରେ ନିର୍ମିତ ଏହି ଚଳଚ୍ଚିତ୍ର ସାରା ବିଶ୍ୱରେ ମାତ୍ର 106.25 କୋଟି ଟଙ୍କା ରୋଜଗାର କରିଥିଲା l ଏହି ଚଳଚ୍ଚିତ୍ରରେ ବବି ଦେଓଲ୍ ଖଳନାୟକ ଭୂମିକାରେ ଅଭିନୟ କରିଥିଲେ l କିନ୍ତୁ ବର୍ତ୍ତମାନ ଅଭିନେତା ନିଜେ ଆଉ ଖଳନାୟକ ଭୂମିକାରେ ଅଭିନୟ କରିବେ ନାହିଁ ବୋଲି ସୂଚନା ଦେଇଛନ୍ତି ।

ଏକ ସାକ୍ଷାତକାରରେ ବବି କହିଛନ୍ତି, ବାସ୍ତବରେ ଯଦି ଆପଣ କୌଣସି ଜିନିଷରେ ସଫଳତା ପାଅ ତାପରେ ଇଣ୍ଡଷ୍ଟ୍ରି ଆପଣଙ୍କୁ ସେହି କାମ ପାଇଁ ହିଁ ବାରମ୍ବାର ବ୍ୟବହାର କରିବାକୁ ଚାହେଁ l କିନ୍ତୁ ମୁଁ ଏଥିରୁ ବାହାରିବାକୁ ଚେଷ୍ଟା କରୁଛି l ମୁଁ ଏହି ବର୍ଷ ପୂର୍ବରୁ କିଛି ଚଳଚ୍ଚିତ୍ରର ସୁଟିଂ କରିସାରିଛି ଯାହା ଅଲଗା ଥିଲା l ବବି ଆହୁରି ମଧ୍ୟ କହିଛନ୍ତି ଯେ, ଯେତେବେଳେ ତୁମେ ଜଣେ ଖଳନାୟକ ଭୂମିକାରେ ଅଭିନୟ କର, ତେବେ ତୁମେ ଏକ ଚରିତ୍ରର ଅନେକ ଦିଗକୁ ଅନୁସନ୍ଧାନ କରିବାର ସୁଯୋଗ ପାଇବ, ଯାହାକୁ ମୁଁ ବହୁତ ଉପଭୋଗ କରେ l କିନ୍ତୁ ମୁଁ ଏକ ଭଲ ଅଭିନେତା ଭୂମିକାରେ ଅଭିନୟ କରିବାକୁ ଅପେକ୍ଷା କରିଛି l ଯାହାକୁ ଲୋକେ ପୂର୍ବ ପରି ପ୍ରଶଂସା କରିବେ l

ଗତ ବର୍ଷ ମୁକ୍ତିଲାଭ କରିଥିବା ରଣବୀର କପୁର ଏବଂ ବବି ଦେଓଲଙ୍କ ଫିଲ୍ମ ‘ଆନିମଲ’ ବ୍ଲକବଷ୍ଟର ଫିଲ୍ମ ଥିଲା। ସେବେଠାରୁ ଫିଲ୍ମର ସିକ୍ୱେଲ ବିଷୟରେ ଗୁଜବ ସୃଷ୍ଟି ହୋଇଥିଲା। କିନ୍ତୁ ସିକ୍ୱେଲ ବିଷୟରେ ତାଙ୍କର କୌଣସି ସୂଚନା ନାହିଁ ବୋଲି ବବି ଦେଓଲ କହିଛନ୍ତି। ଅଭିନେତା କହିଛନ୍ତି- ‘ଫିଲ୍ମର ବାର୍ଷିକୀ ପାଳନ କରିବାକୁ ମୁଁ ଦିନେ ସନ୍ଦୀପ ରେଡ୍ଡୀ ବାଙ୍ଗାଙ୍କ ସହ କଥା ହୋଇଥିଲି, କିନ୍ତୁ ସିକ୍ୱେଲ ସହିତ କ’ଣ ଘଟୁଛି ମୁଁ ସେଟା ଜାଣେ ନାହିଁ। ମୁଁ ନିଶ୍ଚିତ ଯେ ଏହା ପ୍ରସ୍ତୁତ ହେବ କାରଣ ଦର୍ଶକ ଏହା ଚାହାଁନ୍ତି l