ନୂଆଦିଲ୍ଲୀ: ପୁଣି ଇଡି ଆଗରେ ହାଜର ହେଲେନି ଜ୍ୟାକଲିନ। ବଲିଉଡ୍ ଅଭିନେତା ଜ୍ୟାକଲିନ ଫର୍ଣ୍ଣାଣ୍ଡିଜଙ୍କୁ ଶୁକ୍ରବାର ଦିନ ହାଜର ହେବାକୁ ଇଡି ସମନ କରିଥିଲା। କିନ୍ତୁ କିଛି ବ୍ୟକ୍ତିଗତ ସମସ୍ୟା ଦର୍ଶାଇ ଜ୍ୟାକଲିନ ଇଡି କାର୍ଯ୍ୟାଳୟରେ ହାଜର ହୋଇନଥିଲେ।
ଏହାପରେ ଇଡି ତାଙ୍କୁ ପୁଣି ଥରେ ସମନ କରିଥିଲା ଏବଂ ଶନିବାର ହାଜର ହେବାକୁ ଡାକିଥିଲା। ଶନିବାର ଦିନ ୨୦୦ କୋଟି ଟଙ୍କା ମନି ଲଣ୍ଡରିଂ ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ତାଙ୍କୁ ସମନ ଜାରି କରିଥିଲା। ଆଜି ବି ଜ୍ୟାକଲିନ ଇଡି କାର୍ଯ୍ୟାଳୟରେ ହାଜର ହୋଇନଥିବା ଜଣାପଡ଼ିଛି।
ସେ କ୍ରମାଗତ ଦ୍ୱିତୀୟ ଦିନ ଯାଞ୍ଚରେ ଯୋଗ ଦେଇ ପାରିବେ ନାହିଁ ବୋଲି ସେ ଇଡିଙ୍କୁ ସୂଚନା ଦେଇଛନ୍ତି।
ଜ୍ୟାକଲିନ୍ କହିଛନ୍ତି ଯେ ଏଥିରେ ଯୋଗଦେବା ପାଇଁ ତାଙ୍କର କିଛି ବୃତ୍ତିଗତ ପ୍ରତିଶ୍ରୁତି ରହିଛି ଏବଂ ସୋମବାର ତାଙ୍କୁ ହାଜର ହେବାକୁ କୁହାଯାଇଛି।