ମୁମ୍ବାଇ: ବଲିଉଡ଼ ଅଭିନେତା ବିବେକ ଓବରୋଏ ଅନେକ ହିଟ୍ ଫିଲ୍ମରେ କାମ କରିଛନ୍ତି । କିନ୍ତୁ ଏବେ ସେ ଫିଲ୍ମ ଦୁନିଆରୁ ଦୂରେଇ ରହିଛନ୍ତି । ନିକଟରେ ବିବେକ ବ୍ରିଟେନର ପ୍ରଧାନମନ୍ତ୍ରୀ ଋଷି ସୁନାକଙ୍କୁ ଭେଟିଛନ୍ତି । ଏହାର ଏକ ଫଟୋ ସେ ସୋସିଆଲ ମିଡ଼ିଆରେ ନିଜେ ସେୟାର କରିଛନ୍ତି ।
ଇଂଲଣ୍ଡରେ ଆୟୋଜିତ ବ୍ରିଟେନ-ଇଣ୍ଡିଆ ୨୦୨୩ ଉତ୍ସବରେ ଯୋଗ ଦେଇଥିଲେ ବିବେକ । ତାଙ୍କ ସହିତ ଅଭିନେତ୍ରୀ ସୋନମ କପୁର ମଧ୍ୟ ସାମିଲ ହୋଇଥିଲେ । ସେଠାରେ ସେ ବ୍ରିଟେନର ପ୍ରଧାନମନ୍ତ୍ରୀ ଋଷି ସୁନାକଙ୍କୁ ଭେଟିବା ସହ ତାଙ୍କ ସହ ଫଟୋ ଉଠାଇଥିଲେ,ଯାହାକୁ ସେ ସୋସିଆଲ ମିଡିଆରେ ସେୟାର କରିଛନ୍ତି । ଏଥିରେ ସେ ଲେଖିଛନ୍ତି ଯେ, ପ୍ରଧାନମନ୍ତ୍ରୀ ଋଷି ସୁନାକଙ୍କୁ ଧନ୍ୟବାଦ । ୧୦ ଡାଉନିଙ୍ଗ ଷ୍ଟ୍ରିଟରେ ଆମକୁ ଭବ୍ୟ ସ୍ୱାଗତ କରିଛନ୍ତି । ଆପଣ ଏବଂ ପୁରା ଟିମ୍ ଉତ୍ସବକୁ ଚମତ୍କାର ହୋଷ୍ଟ କରିଛନ୍ତି । ଆପଣ ଆମ ପ୍ରଧାନମନ୍ତ୍ରୀଙ୍କୁ ମୋଦି ଜୀ ବୋଲି ସମ୍ବୋଧନ କରନ୍ତି । ଯାହା ଆମ ହୃଦୟକୁ ଛୁଇଁଯାଏ ।
Comments are closed.