ଲଣ୍ଡନ: ବ୍ରିଟେନରେ ରାଜନୈତିକ ମାହୋଲ ସରଗରମ। ପୂର୍ବତନ ପ୍ରଧାନମନ୍ତ୍ରୀ ବୋରିସ୍ ଜନସନ ବ୍ରିଟେନର ସାଂସଦ ପଦରୁ ଇସ୍ତଫା ଦେଇଛନ୍ତି। ପାର୍ଟିଗେଟ୍ ଦୁର୍ନୀତିର ଅନୁସନ୍ଧାନ ରିପୋର୍ଟ ଆସିବା ପରେ ସେ ବ୍ରିଟେନର ସାଂସଦ ପଦରୁ ଇସ୍ତଫା ଦେଇଛନ୍ତି। କରୋନା ଅବଧିରେ ସେ ଲକଡାଉନ୍ ନିୟମକୁ ଖଣ୍ଡନ କରିଥିଲେ। ବ୍ରିଟେନ ସଂସଦରେ ମିଥ୍ୟା ବିବୃତ୍ତି ଦେଇଥିବା ଜନସନଙ୍କ ବିରୋଧରେ ମଧ୍ୟ ଅଭିଯୋଗ ଆସିଥିଲା।
ଏହି ପଦରୁ ଇସ୍ତଫା ଦେବା ପରେ ଜନସନ କହିଛନ୍ତି, ‘ମୋର ନିର୍ବାଚନମଣ୍ଡଳୀ ଛାଡି ମୁଁ ବହୁତ ଦୁଃଖିତ। ମୁଁ ଏଠାରେ ଥିବା ଲୋକମାନଙ୍କୁ ଉଭୟ ମେୟର ଏବଂ ସାଂସଦ ଭାବରେ ସେବା କରିଥିଲି। ଏହା ମୋ ପାଇଁ ଅତ୍ୟନ୍ତ ସମ୍ମାନଜନକ ଥିଲା।’
ସୂଚନାଥାଉକି, ବୋରିସ୍ ଜନସନ ୨୦୨୨ ରେ ପ୍ରଧାନମନ୍ତ୍ରୀ ପଦ ଛାଡିଥିଲେ। କିନ୍ତୁ ସେ ସାଂସଦ ଭାବରେ କାର୍ଯ୍ୟ କରୁଥିଲେ। ବର୍ତ୍ତମାନ ପାର୍ଟିଗେଟ୍ ମାମଲାରେ ଅଧିକାର କମିଟିର ଅନୁସନ୍ଧାନ ରିପୋର୍ଟ ବାହାରକୁ ଆସିବା ପରେ ସେ ବ୍ରିଟେନର ସାଂସଦ ପଦରୁ ଇସ୍ତଫା ଦେଇଛନ୍ତି। ଏନେଇ ଜନସନ କହିଛନ୍ତି ଯେ ତାଙ୍କୁ ଅଧିକାର କମିଟି ତରଫରୁ ଏକ ଚିଠି ଆସିଛି ଯେଉଁଥିରେ ସ୍ପଷ୍ଟ ଭାବେ କୁହାଯାଇଛି ଯେ ସଂସଦକୁ ବିଭ୍ରାନ୍ତ କରିବା ପାଇଁ ସେମାନେ ମୋ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରତିଶ୍ରୁତିବଦ୍ଧ। ସେଥିପାଇଁ ସେ ସାଂସଦ ପଦରୁ ଇସ୍ତଫା ଦେଉଛନ୍ତି।
ରିପୋର୍ଟ ଅନୁଯାୟୀ, ସେହି ସମୟରେ ଯେତେବେଳେ ସମଗ୍ର ବିଶ୍ୱ କରୋନା ମହାମାରୀ ସହିତ ସଂଘର୍ଷ କରୁଥିଲା, ବ୍ରିଟେନ ମଧ୍ୟ ଏହାର କବଳରେ ଥିଲା। ଏଠାରେ ମଧ୍ୟ ହଜାର ହଜାର କରୋନା ମାମଲା ଆସୁଥିଲା। କରୋନା ଭାଇରସକୁ ଦୃଷ୍ଟିରେ ରଖି ସରକାର ଲକଡାଉନ କରିଥିଲେ। କିନ୍ତୁ ତତ୍କାଳୀନ ପ୍ରଧାନମନ୍ତ୍ରୀ ବୋରିସ୍ ଜନସନ ନିଜେ ଏହାର ନିୟମକୁ ଖଣ୍ଡନ କରିଥିଲେ। ସେ ୧୦ ଡାଉନିଂ ଷ୍ଟ୍ରିଟ୍ (ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ) ରେ ଏକ ପାର୍ଟି କରୁଥିଲେ।