ଛିଡା ଛିଡା ଜଳିଗଲା ୪ ବସ

ବିଷମ କଟକରେ : ହୁତୁହୁତୁ ହୋଇ ଜଳିଲା, ମିନିଟ ଭିତରେ ଜଳି ପୋଡି ପାଉଁଶ | ଏଭଳି କିଛି ଘଟଣା ଘଟିଛି ରାୟଗଡା ଜିଲ୍ଲା ବିଷମ କଟକ ବ୍ଲକ ବିଜୁ ପଟ୍ଟନାୟକ ବସଷ୍ଟାଣ୍ଡରେ | ଛିଡା ଛିଡା ଜଳିଗଲା ୪ ବସ|
ସୂଚନା ଅନୁଯାୟୀ, ବିଜୁ ପଟ୍ଟନାୟକ ବସଷ୍ଟାଣ୍ଡରେ ଜଣେ ମାଲିକଙ୍କର ୬ ଟି ବସ ରହିଥିଲା | ସେଥୁରୁ ୪ ଟି ବସ ଜଳି ପୋଡି ପାଉଁଶ ହୋଇଯାଇଛି | ଗାଡ଼ି ନଂ ଓଆର୍‌ ୦୮ ଏଚ୍‌ ୦୪୨୧, ଓଡି ୧୮ ୧୩୫୯ଏବଂ ଓଡି ୦୨ ଏସ୍‌ ୫୦୩୩ ଆଂଶିକ ଜଳିଥିବା ବେଳେ ଆଉ ଏକ ଗାଡି ସଂପୂର୍ଣ୍ଣ ଜଳିଥିବା କାରଣରୁ ଏହାର ନମ୍ବର ଜଣାପଡ଼ିପାରିନାହିଁ । ଘଟଣା ସ୍ଥଳରେ ଦମକଳ ବାହିନୀ ପହଂଚିଥିଲେ ମଧ୍ୟ ନିଆଁ ଏତେ ଜୋରରେ ଲାଗିଥିଲା ଯେ ଏହାକୁ ଆୟତ କରାଯାଇ ପାରିନଥିଲା | ତେବେ କେଉଁ କାରଣରୁ ଏଭଳି ଅଗ୍ନିକାଣ୍ଡ ଘଟିଥିଲା ସେନେଇ କୌଣସି ସ୍ପଷ୍ଟ ସୂଚନା ମିଳିନଥିଲେ ମଧ୍ୟ ଘଟଣାସ୍ଥଳରେ ବିଷମ କଟକ ପୋଲିସ ପହଂଚି ଅଧିକ ତଦନ୍ତ ଆରମ୍ଭ କରିଛି |