କୋଲକାତା: ସନ୍ଦେଶଖାଲି ମାମଲାରେ ସିବିଆଇ ହାତକୁ ଗଲା ତଦନ୍ତ ଭାର । ଆଜି କଲିକତା ହାଇକୋର୍ଟ ସିବିଆଇକୁ ଏହି ମାମଲାର ତଦନ୍ତ ଦାୟିତ୍ୱ ଦେଇଛନ୍ତି । ବର୍ତ୍ତମାନ କୋର୍ଟଙ୍କ ତତ୍ତ୍ୱାବଧାନରେ ସିବିଆଇ ତଦନ୍ତ କରିବ ଏବଂ ସମସ୍ତ ରିପୋର୍ଟ ସଠିକ ସମୟରେ କୋର୍ଟରେ ଦାଖଲ କରିବ । ଏହି ମାମଲାର ପରବର୍ତ୍ତୀ ଶୁଣାଣି ମେ ୨ ତାରିଖରେ ହେବ ।
କାଲକାଟା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଟିଏସ୍ ଶିବଜ୍ଞାନମଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ରାଜସ୍ୱ ରେକର୍ଡର ପୁଙ୍ଖାନୁପୁଙ୍ଖ ଯାଞ୍ଚ କରିବା ସହ ଅଧିଗୃହୀତ ହୋଇଥିବା ଜମିର ଭୌତିକ ଯାଞ୍ଚ କରିବା ପରେ ବେଆଇନ ଭାବେ ଚାଷ ଜମିକୁ ଜଳାଶୟରେ ପରିଣତ କରିବା ନେଇ ବିସ୍ତୃତ ରିପୋର୍ଟ ଦାଖଲ କରିବାକୁ ସିବିଆଇକୁ ନିର୍ଦ୍ଦେଶ ଦେଇଛନ୍ତି।
ସନ୍ଦେଶଖାଲିରେ ଇଡି ଅଧିକାରୀଙ୍କ ଉପରେ ହୋଇଥିବା ଆକ୍ରମଣକୁ ମଧ୍ୟ ସିବିଆଇ ଅନୁସନ୍ଧାନ କରୁଛି। ଟିଏମସି ନେତା ଶାହାଜାହାନ ଶେଖ ଏବଂ ତାଙ୍କ ସହଯୋଗୀମାନେ ମଧ୍ୟ ସନ୍ଦେଶଖାଲି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି। ଶାହାଜାହାନ ଶେଖ ମଧ୍ୟ ଇଡି ଦଳ ଉପରେ ଆକ୍ରମଣ କରିଥିବା ଅଭିଯୋଗ ହୋଇଛି।
ସୂଚନାଯୋଗ୍ୟ ଯେ, ସନ୍ଦେଶଖାଲିରେ ସ୍ଥାନୀୟ ମହିଳାମାନେ ଅଭିଯୋଗ କରିଛନ୍ତି ଯେ ସ୍ଥାନୀୟ ଟିଏମସି ନେତାମାନେ ସେମାନଙ୍କ ଜମିକୁ ଜବରଦଖଲ କରି ନେଇଛନ୍ତି। କିଛି ମହିଳା ଟିଏମସି ନେତାଙ୍କ ବିରୋଧରେ ବଳାତ୍କାର ଅଭିଯୋଗ ମଧ୍ୟ କରିଛନ୍ତି। ଏହି ପ୍ରସଙ୍ଗରେ ବଙ୍ଗଳାର ରାଜନୀତି ଉଗ୍ର ରୂପ ନେଇଥିଲା । ଏହି ମୁଖ୍ୟ ଅଭିଯୁକ୍ତ ହେଉଛନ୍ତି ଟିଏମସି ନେତା ଶାହାଜାହାନ ଶେଖ ମଧ୍ୟ ଇଡି ଦଳ ଉପରେ ଆକ୍ରମଣ କରିଥିବା ଅଭିଯୋଗ ହୋଇଛି। ଏହା ବ୍ୟତୀତ ତାଙ୍କ ନାମ ବଙ୍ଗଳାର ରାସନ ସ୍କାମରେ ମଧ୍ୟ ରହିଛି।