ବିଭାଜନ ସମୟରେ ଯେଉଁମାନଙ୍କର ସମ୍ପତ୍ତି ପାକିସ୍ତାନରେ ରହିଯାଇଥିଲା, କ’ଣ ତାହା ଏବେ ଆପଣ ପାଇପାରିବେ? ଜାଣନ୍ତୁ…

ନୂଆଦିଲ୍ଲୀ: ୧୯୪୭ ମସିହାରେ ପରସ୍ପର ଠାରୁ ବିଭାଜିତ ହୋଇଥିଲେ ଦୁଇ ଦେଶ ଭାରତ ଏବଂ ପାକିସ୍ଥାନ । ଏହାପୂର୍ବରୁ ପାକିସ୍ତାନ ଭାରତର ଏକ ଅଂଶ ଥିଲା । ୧୯୪୭ରେ ଯେତେବେଳେ ଏହି ବିଭାଜନ ହୋଇଥିଲା, ସେତେବଳେ ଅନେକ ଲୋମହର୍ଷଣକାରୀ କାଣ୍ଡ ଘଟିଥିଲା ​​| ଅନେକ ଲୋକ ଭାରତରୁ ପାକିସ୍ତାନ ଯାଇଥିଲେ। ସେପଟେ ପାକିସ୍ତାନରୁ ବହୁ ସଂଖ୍ୟକ ଲୋକ ମଧ୍ୟ ଭାରତ ଆସିଥିଲେ। ଗୋଟିଏ ରାତିରେ ଯେତେବେଳେ ନିଜ ଦେଶ ଛାଡିବାକୁ ପଡିବ, ସେତେବେଳେ ସେହି ଅସହାୟ ଲୋକମାନେ ସେଠାରୁ କ’ଣ ବା ଆଣିପାରିଥାନ୍ତେ । ଏଭଳି ପରିସ୍ଥିତିରେ ୧୯୪୭ ମସିହାରେ ଭାରତ ଆସିଥିବା ଅନେକ ଲୋକଙ୍କ ସମ୍ପତ୍ତି ପାକିସ୍ତାନରେ ରହିଯାଇଥିଲା । ବେଳେ ବେଳେ ମନକୁ ଏକ ପ୍ରଶ୍ନ ଆସେ, ଯେ ସେହି ଭାରତୀୟମାନେ କାହିଁକି ସେଠାକୁ ଯାଇ ନିଜର ସମ୍ପତ୍ତି ବିକ୍ରୟ କରି ସେଠାରୁ ଟଙ୍କା ଧରି ଫେରିପାରିବେ ନାହିଁ | ପ୍ରକୃତରେ ଏହା କେବେ ସମ୍ଭବ ହେବ କି?

୧୯୪୭ ମସିହାରେ ଯେତେବେଳେ ବ୍ରିଟିଶମାନେ ଭାରତ ଏବଂ ପାକିସ୍ତାନକୁ ବିଭାଜନ କଲେ, ସେତେବେଳେ ଭାରତର ଲକ୍ଷ ଲକ୍ଷ ଲୋକ ପାକିସ୍ତାନରେ ବସବାସ କଲେ । ପାକିସ୍ତାନରୁ ବହୁ ସଂଖ୍ୟକ ଲୋକ ମଧ୍ୟ ଭାରତ ଆସିଥିଲେ। ପାକିସ୍ତାନ ଛାଡି ଭାରତରେ ବସବାସ କରୁଥିବା ଅନେକ ଲୋକଙ୍କ ସମ୍ପତ୍ତି ପାକିସ୍ତାନରେ ରହିଲା । ଦଙ୍ଗା ଯୋଗୁଁ ତାଙ୍କୁ ଗୋଟିଏ ରାତି ଭିତରେ ସବୁକିଛି ଛାଡି ଭାରତ ଆସିବାକୁ ପଡିଲା।

ସେତେବେଳେ ସେଠାରେ ଛାଡିଆସିଥିବା ସେହି ଭାରତୀୟମାନଙ୍କ ସମ୍ପତ୍ତିର କ’ଣ ହେଲା? ବାସ୍ତବରେ, ଭାରତ ହେଉ କିମ୍ବା ପାକିସ୍ତାନ, ଯେଉଁମାନେ ନିଜ ସମ୍ପତ୍ତି ଛାଡିଛନ୍ତି ଚାଲିଯାଇଛନ୍ତି ବା ଆସିଛନ୍ତି ସରକାର ସେମାନଙ୍କ ସମ୍ପତିକୁ ନିଜ ଅଧିନକୁ କରି ନେଇଛନ୍ତି । ସରକାର ଏହି ସମ୍ପତ୍ତିଗୁଡ଼ିକୁ ‘ଖାଲି ସମ୍ପତ୍ତି’ ବୋଲି ଘୋଷଣା କରିଛନ୍ତି | ଭାରତରେ ଏହି ସମ୍ପତ୍ତିକୁ ‘ଶତ୍ରୁ ସମ୍ପତ୍ତି’ ବୋଲି କୁହାଯାଏ |

ଯଦି ୧୯୪୭ ମସିହାରେ ପାକିସ୍ତାନରୁ ଭାରତକୁ ଆସିଥିବା କେହିବି ତାଙ୍କ ସମ୍ପତ୍ତିକୁ ନିଜ ଅଧିନକୁ ନେବା ପାଇଁ ଚାହାଁନ୍ତି ତେବେ ସେ ତାହା କରିପାରିବେ । କିନ୍ତୁ ସେସବୁ କରିବା ପାଇଁ ଏକ ଆଇନଗତ ପ୍ରକ୍ରିୟା ଅଛି ଯାହା ପାକିସ୍ତାନର କୋର୍ଟରେ ହେବ । ଏଥିରେ, ସେହି ସମୟର ଦଲିଲଗୁଡ଼ିକ, ଯାହାର ନାମରେ ସମ୍ପତ୍ତି ରଖାଯାଇଥିଲା, ସେଠାରେ କେତେ ସମ୍ପତ୍ତି ଥିଲା, ଇତ୍ୟାଦି ମଧ୍ୟ ପ୍ରମାଣ କରିବାକୁ ପଡ଼ିବ |

ଏସବୁ ସତ୍ତ୍ଵେ ମଧ୍ୟ ସମ୍ପତ୍ତି ପୁନର୍ବାର ତାଙ୍କୁ ମିଳିଯିବ ତାହା ମଧ୍ୟ କୁହାଯାଇ ପାରିବ ନାହିଁ । କାରଣ ପାକିସ୍ତାନ ଅଧିକୃତ କାଶ୍ମୀରରେ ଏଭଳି ଅନେକ ମାମଲା ଜାରି ରହିଛି । ସେତେବଳେ ପାକିସ୍ତାନ ଛାଡି ଭାରତ ଆସିଥିବା ଲୋକ ଯେତେବେଳେ ପୁଣିଥରେ ପାକିସ୍ତାନକୁ ଯାଇଥିଲେ ସେତେବଳେ ସେମାନଙ୍କ ସମ୍ପତ୍ତିକୁ ଜବତ କରାଯାଇଥିଲା। ସେହି ଲୋକମାନେ କିପରି ସେମାନଙ୍କର ସମ୍ପତ୍ତି ଫେରି ପାଇବେ ସେଥିପାଇଁ ଏବେ ମଧ୍ୟ କେସ୍ ଲଢୁଛନ୍ତି ।  କିନ୍ତୁ ଏପର୍ଯ୍ୟନ୍ତ ସେମାନେ କୌଣସି ସଫଳତା ପାଇପାରିନାହାଁନ୍ତି।