ନୂଆଦିଲ୍ଲୀ: କାନାଡାର ସ୍ୱାସ୍ଥ୍ୟ ନିୟାମକ ଶୁକ୍ରବାର ଦିନ ପିଲାଙ୍କ ଲାଗି ଫାଇଜର୍ କୋଭିଡ୍-୧୯ ଟିକାକୁ ଅନୁମୋଦନ କରିଛି। କାନାଡା ୫ ରୁ ୧୧ ବର୍ଷ ବୟସର ପିଲାମାନଙ୍କ ପାଇଁ ଏହି ଟିକାକୁ ଅନୁମତି ଦେଇଛି।
କାନାଡାର ଜାତୀୟ ପରାମର୍ଶଦାତା କମିଟି ପରାମର୍ଶ ଦେଇଛି ଯେ ଦେଶର ସ୍ୱାସ୍ଥ୍ୟସେବା ପରିଚାଳନା କରୁଥିବା ଦେଶର ପ୍ରଦେଶଗୁଡ଼ିକ ଅତି କମରେ ଆଠ ସପ୍ତାହ ବ୍ୟବଧାନରେ ଏହି ଦୁଇଟି ଡୋଜ ପ୍ରଦାନ କରିବେ।
କାନାଡାର ଡେପୁଟି ଜନସ୍ବାସ୍ଥ୍ୟ ଅଧିକାରୀ କହିଛନ୍ତି ଯେ, ଡୋଜ ମଧ୍ୟରେ ଅଧିକ ସମୟ ବ୍ୟବଧାନ ଅଧିକ ଶକ୍ତିଶାଳୀ ପ୍ରତିରୋଧକ ଶକ୍ତି ଆଣିଥାଏ।
ସରକାରୀ ଏଜେନ୍ସି କହିଛି ଯେ ଏହି ଟିକା ପିଲାମାନଙ୍କଠାରେ କୋଭିଡ-୧୯ ରୋକିବାରେ ୯୦.୭% ପ୍ରଭାବଶାଳୀ ଏବଂ କୌଣସି ଗୁରୁତର ପାର୍ଶ୍ୱ ପ୍ରତିକ୍ରିୟା ଚିହ୍ନଟ କରାଯାଇ ନାହିଁ।
Comments are closed.