ଗଜପତି: ମୋହନା ଅଞ୍ଚଳରେ ବେଆଇନ ଭାବେ ଚାଷ ହୋଇଥିବା ବ୍ୟାପକ ଗଞ୍ଜେଇ ଗଛକୁ ପୋଲିସ ଓ ଅବକାରୀ ବିଭାଗ ମିଳିତ ଭାବେ ନଷ୍ଟ କରିଛି। ନଷ୍ଟ ହୋଇଥିବା ଗଞ୍ଜେଇ ଗଛର ଆନୁମାନିକ ବଜାର ମୂଲ୍ୟ ପ୍ରାୟ ନଅ କୋଟି ଟଙ୍କା ହେବ।
ମୋହନା ଥାନା ଅନ୍ତର୍ଗତ ଜୁକା ପଞ୍ଚାୟତର ବୋମ ଗ୍ରାମରେ ବେଆଇନ ଭାବେ ଗଛକଟା ଚାଲିଥିବା ଖବର ପାଇ ଏହି ଚଢ଼ଉ କରାଯାଇଥିଲା। ପୁଲିସ ଓ ଅବକାରୀ ବିଭାଗର ମିଳିତ ଟିମ୍ ଚଢ଼ାଉ କରି ୪୫ ଏକର ଜମିରେ ଚାଷ ହୋଇଥିବା ପ୍ରାୟ ୯୦ ହଜାର ଗଞ୍ଜେଇ ଗଛ ନଷ୍ଟ କରିଛନ୍ତି। ଏହାର ଅଧିକ ବ୍ୟବହାରକୁ ରୋକିବା ପାଇଁ ଗଛ ଗୁଡିକରେ ନିଆଁ ଲଗାଇ ଦିଆଯାଇଥିଲା।
ବେଆଇନ ନିଶାଦ୍ରବ୍ୟ ବିଶେଷ କରି ଗଞ୍ଜେଇ ଚାଷ ଓ ଚୋରା ଚାଲାଣକୁ ରୋକିବା ପାଇଁ ପୁଲିସ ଓ ଅବକାରୀ ବିଭାଗ ପକ୍ଷରୁ ନିୟମିତ ଭାବେ ଏଭଳି ମିଳିତ ଅପରେସନ୍ କରାଯାଉଛି। ଏହି ଅପରେସନ ଗୁଡିକର ଉଦ୍ଦେଶ୍ୟ ହେଉଛି ନିଶା ଜନିତ ଅପରାଧକୁ ରୋକିବା।
ଏହି ବ୍ୟାପକ ଗଞ୍ଜେଇ ଚାଷ ନଷ୍ଟ କରିବା ଗଜପତି ଜିଲ୍ଲାରେ ବେଆଇନ ନିଶା କାରବାରକୁ ରୋକିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଆଇନ ଶୃଙ୍ଖଳା ରକ୍ଷା କରିବା ସହ ବେଆଇନ ନିଶାଦ୍ରବ୍ୟର କୁପ୍ରଭାବରୁ ଜନସାଧାରଣଙ୍କୁ ରକ୍ଷା କରିବା ପାଇଁ ପୋଲିସ ଓ ଅବକାରୀ ବିଭାଗର ମିଳିତ ଉଦ୍ୟମ ପ୍ରଶଂସନୀୟ।
Comments are closed.