ମଧ୍ୟପ୍ରଦେଶ: ମଧ୍ୟପ୍ରଦେଶର ମନ୍ଦସୌର ଜିଲ୍ଲାରେ ରବିବାର ଅପରାହ୍ନରେ ଏକ କାର କୂଅରେ ଖସିପଡିଛି । ଏହି ଅଘଟଣରେ ୧୦ ଜଣଙ୍କର ମୃତ୍ୟୁ ଘଟିଛି ।
ଖବରମୁତାବକ, କାରଟି ଏକ ବାଇକ୍ ସହିତ ଧକ୍କା ହୋଇ କୂଅରେ ପଡ଼ିଗଲା। ସେମାନଙ୍କୁ ବଞ୍ଚାଇବା ପାଇଁ କୂଅ ଭିତରକୁ ଯାଇଥିବା ବ୍ୟକ୍ତି ମଧ୍ୟ ପ୍ରାଣ ହରାଇଛନ୍ତି । ପ୍ରାରମ୍ଭିକ ସୂଚନା ଅନୁଯାୟୀ, ୧୦ ଜଣଙ୍କର ମୃତ୍ୟୁ ହୋଇଛି। ତିନିଜଣ ଆହତ ହୋଇଛନ୍ତି। ଜଣଙ୍କର ସନ୍ଧାନ ଚାଲିଛି।
ସୂଚନା ଅନୁଯାୟୀ, କାରରେ ଥିବା ସମସ୍ତ ଲୋକ ରତଲାମ ଜିଲ୍ଲାର ତାଲ୍ ରୁ ମନ୍ଦସୌର ଜିଲ୍ଲାର ଅନ୍ତରୀ ମା’ ମନ୍ଦିରକୁ ଦର୍ଶନ କରିବାକୁ ଯାଉଥିଲେ । ତେବେ କାରଟି ଏକ ବାଇକ୍ ସହିତ ଧକ୍କା ହୋଇ ଏକ ଖୋଲା କୂଅରେ ପଡ଼ିଗଲା। ସୂଚନା ପାଇ ପୋଲିସ ଏବଂ ପ୍ରଶାସନ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। କାରରେ ଥିବା ସମସ୍ତ ଲୋକ ରତଲାମର ବୋଲି କୁହାଯାଉଛି।
ଏହି ଘଟଣା ସମୟରେ ୬ ଜଣଙ୍କ ମୃତ୍ୟୁ ହୋଇଥିଲା। ପରେ ଗୁରୁତରଙ୍କ ଚିକିତ୍ସା ସମୟରେ ମୃତ୍ୟୁ ହେବା ପରେ, ମୋଟ ୧୦ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି ।
କାରରେ ମୋଟ ୧୨ ଜଣ ଥିଲେ ବୋଲି ଖବର ରହିଛି । ଭୀଷଣ ଧକ୍କା ପରେ, ଗାଡ଼ିଟି ହଠାତ୍ କୂଅରେ ପଡ଼ିଗଲା ଏବଂ ଗାଡ଼ିରେ ଥିବା ସମସ୍ତ ଲୋକ ଚେତାଶୂନ୍ୟ ହୋଇଯାଇଥିଲେ।
Comments are closed.