ଦୁବାଇ: ଦୁନିଆରେ ଅନେକ ଯାନ ଅଛି, ଯାହାର ଆକାର ଏବଂ ଆକୃତି ପରସ୍ପରଠାରୁ ଭିନ୍ନ । ଏପରି ଗାଡ଼ିକୁ ଲୋକେ ଖୁବ୍ ପସନ୍ଦ କରନ୍ତି । ଗାଡ଼ି କମ୍ପାନୀ ମଧ୍ୟ ଅନ୍ୟ କାରଠାରୁ ଭିନ୍ନ କରିବା ପାଇଁ ପ୍ରୟାସ କରିଥା’ନ୍ତି । ଏବେ ଏକ କାରର ଭିଡିଓ ଭାଇରାଲ୍ ହେଉଛି , ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ । କାରଣ ଏହି କାରଟିର ଆକାର ବିରାଟକାୟ । ସେ ଏତେ ଉଚ୍ଚା ଯେ ତା’ ସାମ୍ନାରେ ଜଣେ ମଣିଷ ମଧ୍ୟ ବହୁ ଛୋଟ ଦେଖାଯାଏ ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଏକ ଲମ୍ବା କାର ରାସ୍ତାରେ ଯାଉଛି । ଏହି କାରଟି ଏତେ ବଡ ଏବଂ ଲମ୍ବା ଯେ, ଯାହା କାର ପରି କମ ଏବଂ ଟ୍ରକ୍ ପରି ଦେଖାଯାଉଛି । ଏହି ଗାଡ଼ିର ପାଖରେ ଅତିକ୍ରମ କରୁଥିବା ଅନ୍ୟଗାଡ଼ିଗୁଡ଼ିକ ଆକାର ଖୁବ୍ ସାନ ମନେ ହେଉଛି । ବାସ୍ତବରେ, ଏହା ହେଉଛି ହମର କାର । ଆପଣ ନିଶ୍ଚିତ ଭାବରେ ଏହି କାରକୁ ଅନେକ ଚଳଚ୍ଚିତ୍ରରେ ଦେଖିଥିବେ । ଭାରତର କେତେକ ସେଲିବ୍ରେଟ୍ଙ୍କର ମଧ୍ୟ ଏଭଳିି କାର୍ ଅଛି । ଏହି କାରର ଆକୃତି ଏଭଳି ଯେ, ଡ଼ବଲ ରୋଡ଼ରେ ଏହା ଅତିକ୍ରମ କଲା ବେଳେ ଏହା ୱାନ୍ୱେରେ ଯାଉଥିବା ଭଳି ମନେ ହୁଏ । ଏହାର ଲମ୍ବ ୧୪ ମିଟର ଏବଂ ଉଚ୍ଚତା ୫ ମିଟର ।
ଏହି ଭିଡିଓ ଦେଖିବା ପରେ ଅନେକ ଭିନ୍ନ ଭିନ୍ନ ମନ୍ତବ୍ୟ ଦେଇଛନ୍ତି । ଅନେକ କହିଛନ୍ତି ଯେ ଯେତେବେଳେ ଏହି ଗାଡି ରାସ୍ତାରେ ଯିବ ,ଅନ୍ୟ ଗାଡ଼ି ସବୁ ଅଟକି ଯିବ । ଏହି ଗାଡ଼ି ବୃହତକାୟ ବସ୍ ପରି ଦେଖାଯାଉଛି ।
Comments are closed.