ଭୁବନେଶ୍ୱର: ମହାମହାରୀ କରୋନାକୁ ନେଇ ସାରା ଦେଶରେ ୨୧ ଦିନିଆ ତାଲାବନ୍ଦ ପଡିଛି । ଏହାରି ଭିତରେ ରାଜଧାନୀ ଭୁବନେଶ୍ୱର ଦୁଇଟି ଘରୁ ଚୋରି ହୋଇଥିବା ଅଭିଯୋଗ ହୋଇଛି । ଝାରପଡା ବୈରାଗୀ ନଗର ଅଂଚଳରେ ଏହି ଘଟଣା ଘଟିଛି । ଏହି ଅଂଚଳର ୨ଟି ଘରୁ ଲକ୍ଷାଧିକ ଟଙ୍କାର ସାମଗ୍ରୀ ଚୋରି ହୋଇଥିବା ଅଭିଯୋଗ ହୋଇଛି ।
ସୂଚନା ଅନୁସାରେ, ପ୍ରତିଦିନ ଭଳି ଜଣେ ବୃଦ୍ଧ ସକାଳେ ଫୁଲ ତୋଳିବାକୁ ଘରୁ ବାହାରକୁ ଯାଇଥିଲେ । ଏହି ସମୟରେ ସୁଯୋଗ ନେଇ ଚୋରମାନେ କବାଟ ଖୋଲି ଘରେ ଭିତରେ ପଶିଥିଲେ । ଏହାପରେ ପରିବାରର ଅନ୍ୟ ସଦସ୍ୟଙ୍କୁ ଅଚେତ କରି ୪ ଲକ୍ଷରୁ ଅଧିକ ନଗଦ ଟଙ୍କା ଓ ସୁନା ଗହଣା ଲୁଟି ନେଇଥିବା ଅଭିଯୋଗ ହୋଇଛି ।
ସେହିପରି ବୈରାଗୀ ନଗର ଅଂଚଳରେ ହିଁ ଥିବା ଆଉ ଏକ ଘରର ଝରକା ପଟୁ ମୋବାଇଲ ଫୋନ୍, ଲାପଟପ, ଆଇପଡ ଟାବଲେଟ ଭଳି ଅତି ମୂଲ୍ୟବାନ ଇଲେକ୍ଟ୍ରୋନିକ୍ସ ସାମଗ୍ରୀ ଚୋରି ହୋଇଥିବା ଜଣାପଡିଛି । ଏନେଇ ଲକ୍ଷ୍ମୀସାଗର ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
Comments are closed.