ଲାଞ୍ଚ ନେଇ ଲେଫ୍ଟନାଣ୍ଟ କର୍ଣ୍ଣେଲ ଦୀପକ କୁମାର ଶର୍ମା ଗିରଫ, ବାସଭବନରୁ ନଗଦ ୨.୨୩ କୋଟି ଟଙ୍କା ଜବତ
ନୂଆଦିଲ୍ଲୀ: ଏକ ଲାଞ୍ଚ ମାମଲାରେ ସିବିଆଇ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପ୍ରତିରକ୍ଷା ମନ୍ତ୍ରଣାଳୟର ପ୍ରତିରକ୍ଷା ଉତ୍ପାଦନ ବିଭାଗରୁ ଜଣେ ଲେଫ୍ଟନାଣ୍ଟ କର୍ଣ୍ଣେଲଙ୍କୁ ସିବିଆଇ ଗିରଫ କରିଛି । ଲାଞ୍ଚ ମାମଲାରେ ସିବିଆଇ ଲେଫ୍ଟନାଣ୍ଟ କର୍ଣ୍ଣେଲ ଦୀପକ କୁମାରଙ୍କୁ ଗିରଫ କରିଛି ।
ଲେଫ୍ଟନାଣ୍ଟ କର୍ଣ୍ଣେଲ ଦୀପକ କୁମାର ଶର୍ମା। ବାସଭବନରୁ ୨.୨୩ କୋଟି ନଗଦ ଟଙ୍କା ଜବତ ହୋଇଛି । ଲେଫ୍ଟନାଣ୍ଟ କର୍ଣ୍ଣେଲ ଦୀପକ ପ୍ରତିରକ୍ଷା ମନ୍ତ୍ରାଳୟ ଅଧୀନରେ ଡିଫେନ୍ସ ପ୍ରଡକ୍ସନ ବିଭାଗରେ କାର୍ଯ୍ୟରତ ଥିଲେ । ତାଙ୍କୁ ବେଙ୍ଗାଲୁରୁ ସ୍ଥିତ ଏକ କମ୍ପାନୀରୁ ୩ ଲକ୍ଷ ଟଙ୍କା ନେଇଥିବା ଅଭିଯୋଗରେ ଗିରଫ କରାଯାଇଛି ।
ଡିସେମ୍ବର ୧୯ ତାରିଖରେ, ପ୍ରତିରକ୍ଷା ମନ୍ତ୍ରଣାଳୟ ତାଙ୍କ ବିରୁଦ୍ଧରେ ଏକ ଲାଞ୍ଚ ଅଭିଯୋଗ ପାଇଲା, ଯାହା ଉପରେ ସିବିଆଇ କାର୍ଯ୍ୟାନୁଷ୍ଠାନ ଗ୍ରହଣ କରି ୩ ଲକ୍ଷ ଟଙ୍କା ଲାଞ୍ଚ ଦେଇଥିବା ବିନୋଦ କୁମାରଙ୍କୁ ଗିରଫ କରିଥିଲା ଏବଂ ତା’ପରେ ଦିଲ୍ଲୀ, ବେଙ୍ଗାଲୁରୁ ଏବଂ ରାଜସ୍ଥାନରେ ଦୀପକ କୁମାରଙ୍କ ଘର ଉପରେ ଚଢାଉ କରିଥିଲା ।
ଚଢାଉ ସମୟରେ, ଲେଫ୍ଟନାଣ୍ଟ କର୍ଣ୍ଣେଲ ଦୀପକ କୁମାରଙ୍କ ଦିଲ୍ଲୀ ଘରୁ ୩ ଲକ୍ଷ ଟଙ୍କା ଲାଞ୍ଚ ଟଙ୍କା ବ୍ୟତୀତ ୨.୨୩ କୋଟି ଟଙ୍କା ନଗଦ ଜବତ କରାଯାଇଥିଲା । ଗିରଫ ପରେ, CBI ଉଭୟଙ୍କୁ କୋର୍ଟରେ ହାଜର କରିଥିଲା, ଯେଉଁଠାରେ ସେମାନଙ୍କୁ ଡିସେମ୍ବର ୨୩ ପର୍ଯ୍ୟନ୍ତ ହେପାଜତକୁ ପଠାଇ ଦିଆଯାଇଥିଲା ।