ସୁଶାନ୍ତଙ୍କ ବାନ୍ଦ୍ରା ଘରେ ସିବିଆଇ ଟିମ୍, ସାଙ୍ଗରେ ଅଛନ୍ତି ଭଉଣୀ ମୀତୁ ସିଂହ

ମୁମ୍ୱାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ଖୋଳତାଡ ଚାଲିଛି । ଡ୍ରଗ୍ସ ଲିଙ୍କରେ ରିୟା ଚକ୍ରବର୍ତ୍ତୀଙ୍କ ଭାଇ ସୌଭିକ୍ ଓ ସୁଶାନ୍ତଙ୍କ ହାଉସ ମ୍ୟାନେଜର ସାମୁଏଲ୍ ମିରାଣ୍ଡାଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଗିରଫ କରିଛି । ଏପଟେ ସୁଶାନ୍ତଙ୍କ ମୃତ୍ୟୁର ତଦନ୍ତ କରୁଥିବା ସିବିଆଇ ଟିମ୍ ଆଜି ମୁମ୍ୱାଇ ବାନ୍ଦ୍ରା ସ୍ଥିତ ସୁଶାନ୍ତଙ୍କ ଘରେ ପହଞ୍ଚିଛି ।

ସିବିଆଇ ଟିମ୍ ସହ ସାଙ୍ଗରେ ଥିଲା ସୁଶାନ୍ତଙ୍କ ଭଉଣୀ ମୀତୁ ସିଂହ । ଦିଲ୍ଲୀ ସ୍ଥିତ ଏମ୍ସର ଡାକ୍ତର ବି ତଦନ୍ତକାରୀ ଟିମ୍ ସହ ସାମିଲ ଥିଲେ । ସୁଶାନ୍ତଙ୍କ ଫ୍ଲାଟମେଟ୍ ସିଦ୍ଧାର୍ଥ ପିଠାନୀ ଓ କୁକ୍ ନୀରଜ ବି ସେଠାରେ ଉପସ୍ଥିତ ଥିଲେ ।

ସିବିଆଇ ଟିମ୍ ସୁଶାନ୍ତଙ୍କ ଘରେ କ୍ରାଇମ ସିନ୍ ରି-କ୍ରିଏଟ କରିଥିବା ସୂଚନା ମିଳିଛି । ଯାହା ଦ୍ୱାରା ସେଦିନ କଣ ସବୁ ଘଟିଥିଲା, ସେକଥା ଜଣା ପଡିବ । ପୂର୍ବରୁ ସିବିଆଇର ତଦନ୍ତକାରୀ ଟିମ୍ ଦୁଇ ଦୁଇ ଥର କ୍ରାଇମ ସିଟ୍ ରି-କ୍ରିଏଟ କରିଛନ୍ତି । କିନ୍ତୁ ଏଥର ସିବିଆଇ ସହ ଥିଲେ ଫରେନସିକ୍ ଏକ୍ସପର୍ଟ ।

ସୁଶାନ୍ତ ଆତ୍ମହତ୍ୟା କରିଥିବା ଦିନ ଘରେ ଥିଲା ସିଦ୍ଧାର୍ଥ, କେଶବ ଓ ନୀରଜ ଘରେ ଥିଲେ । ତୁରନ୍ତ ଫୋନ୍ କଲ୍ ପାଇ ଘଟଣାସ୍ଥଳରେ ପହଞ୍ଚିଥିଲେ ମୀତୁ ସିଂହ । ସମସ୍ତଙ୍କ ଉପସ୍ଥିତିରେ ସିବିଆଇ ଟିମ୍ କ୍ରାଇମ୍ ସିନ୍ ରି-କ୍ରିଏଟ କରିଥିବା ସୂଚନା ମିଳିଛି ।